我每星期都會去摩星嶺同佢啪啪啪: 二十

【上文提及】
Aurona：「阿文，我實在唔想再見到有無辜嘅人枉死，而你……正正係影響住Kenson同傻仔西可唔可以死裏逃生嘅關鍵。」
文：「你意思係……我可以救返Kenson同傻仔西？」
Aurona點一點頭……

【我每星期都會去摩星嶺同佢啪啪啪 - 二十】
Aurona：「可能你呢排太過留意Kenson同傻仔西所以忽略左自己嘅情況……」
文：「我？」
Aurona：「係呀！你諗下Kenson同傻仔西去完摩星嶺之後有咩唔尋常嘅情況？」
文：「佢地好似同我講過屎忽生瘡之類嘅嘢，同埋佢地夜晚好似冇左記憶咁，之前問佢地去左邊做啲咩佢地完全答唔到。」


Aurona：「咁你有冇屎忽生瘡……」
本來氣氛都好嚴肅嘅，但係Aurona咁認真問完之後就即刻紅都面曬。
文：「嘩……你都……幾直接喎！得啦，我明呀！你係想講雖然我地三個一齊去摩星嶺，但係就得佢地兩個有唔妥，呢樣嘢其實我自己都留意到，不過我就真係唔明點解會咁。」
Aurona：「呢樣就同你條命有啲關係啦！」
文：「我條命？點呀？夠on9？」
Aurona：「咁老實講，你問得出呢個問題証明你都係9佬一個……」

Aurona：「Anyways，簡單嚟講，你個人啲火好旺......」
文：「我啲火好旺？即係......我會燒死自己？」
Aurona：「不如你試下9小陣當幫忙......我係講緊五行入面火比較旺」


文：「噢......我明啦！你意思係話--我係火屬性嘅。嘩，咁樣都幾chill喎！」
Aurona：「妖！算啦，你鐘意咁諗都得嘅，同你講嘢真係拉低曬我啲IQ……總之呢，火就係Dream Zone最大嘅弱點，所以當你地三個上摩星嶺山嗰時係得你嗰兩個friend入左Dream Zone，你係冇入到去嘅。」
文：「但係我記得我喺廢堡入面係見到自己……」
Aurona：「嗰個係Alex嚟嘅。其實佢一直都有留意住Dream Zone嘅情況，睇下有冇你呢類「火屬性」嘅人上摩星嶺山，有嘅話佢就會防止呢類人喺毫無準備嘅情況下誤闖Dream Zone，同時幫佢地頂左支針佢。咁樣一方面對Alex其實冇乜影響，而且日後按排臥底入Dream Zone都冇咁易被懷疑。」
臥底？有啲唔對路喎，Alex幫我頂左支針，而我又係嗰個「火屬性」嘅人……

文：「咪住先，你唔係想講--我要做你地嘅臥底幫你地查案呀？喂！我咁難得先冇走入去個Dream Zone度……咁算點先，Alex救完我又要踢返我入去送死？」
Aurona：「你唔洗咁緊張住嘅。詳細情況遲啲會話你知，最緊要嘅係Alex會一路睇實你，所以只要你唔好亂嚟係絕對安全嘅。同埋你可以放心喎，我地之前都試過放臥底入去，而你今次嘅情況亦都係差唔多--只有你先可以救得返你啲friend」
文：「之前個臥底……都係火屬性嘅？」
Aurona：「妖！你真係打機打上腦……算啦……係呀佢都係火屬性㗎。」


文：「咁佢最後係咪救到佢啲friend？」
Aurona：「其實呢……就因為佢……」
文：「你直接話俾我知救唔救到啦！」
Aurona：「你聽我講先，其實件事有小小複雜嘅……」
文：「咁你淨係話我知之前個臥底最後點樣咪得囉，就當係俾啲信心我啦！」

Aurona靜左好耐，之後就講左句--
「佢死左！」
……