我每星期都會去摩星嶺同佢啪啪啪: 二十三

【上文提及】
離開餐廳之後，我帶住暈左嘅Aurona上左架的士，為左確保Aurona唔會再俾啲奇怪人捉走，我諗住帶Aurona返屋企避一避先。點知我喺架車度唔覺意瞓著左，醒返嗰陣先發現架的士停左喺摩星嶺，而Aurona個頭仲流緊血。

【我每星期都會去摩星嶺同佢啪啪啪 - 二十三】
我好肯定，呢度就係摩星嶺！個的士司機唔見左，出面又陰陰沉沉，大霧到好似行左入舊雲入面咁，同之前嘅情況一L樣。我諗住打開門落車望下，但係諗到要留Aurona一個喺架車度真係放心唔落--咁點算好呢？

喺我內心爭扎緊到底應唔應該落車嘅時候，我留意到車外嘅一片濃霧中好似有個人，而且仲慢慢咁向住我地呢邊移動緊。妖！唔係又係嗰啲咩DNC嘅人呀？啱啱先好彩避開左個，而家又嚟多個？周圍仲要一個人都冇，想揾人幫手都唔得，佢真係要嚟捉走Aurona嘅話咁我地咪……

當佢走行近啲，我總算鬆一口氣……係Alex。



佢目無表情咁行過嚟，打開車門，然後一手捉住我件恤衫，將我成個人扯左落車。正當我仲喺度諗緊點解佢呢隻鬼可以捉得住實物嘅時候，佢大大力一巴掌車落嚟，仲一手推左我落地。
文：「乜料呀你？粒聲唔出喺度郁手打人？」
Alex：「喺架的士入面嗰個--係我條女嚟㗎仆街！」
文:「我知……」
Alex：「你知？你知條L呀？你知就唔會搞成而家咁啦！」
文：「而家點呀？我冇溝佢冇搞佢呀！一條毛都冇掂過呀！你唔好講到好似我同佢扑過嘢咁啦！」
Alex：「咁我寧願你扑過佢！」
文：「下……你講乜L嘢呀？你傻L左呀？」
俾我咁樣一問，Alex冇出聲。我慢慢企返起身，摸一摸個屎忽--嘩仲係好L痛。Alex就繼沉默咁望住架的士。
文：「你信我啦！我真係冇搞佢。我係怕佢俾DNC嘅人捉走先喺餐廳度扯走佢，同埋我都冇整暈佢㗎……」


Alex：「我知，係DNC條友做㗎嘛。我有睇住㗎！」
文：「你見到曬咁應該好清楚……」
Alex：「係呀好清楚呀！我仲好清楚見到條友擺左我條女啲血種添！但係我……我就……」
文：「咩呀？我唔明呀！條西裝友係打暈左Aurona，可能太大力撞穿佢個頭所以流左啲血姐，咩攞血種呀？」
Alex：「成件事並唔係咁簡單。條西裝友嘅目的係直接喺Aurona個後腦度攞佢嘅血種，從而令佢失去意識同控制佢。情況你兩個friend差唔多……」
文：「Kenson同傻仔西？你係話佢地俾女鬼爆西流曬血嗰次？」
Alex：「係！正常佢地唔會俾啲人類咁快死，咁先可以繼續將Dream Zone繼續推出去，但係Aurona嘅情況嚴重好多……直接由頭攞完血種之後Aurona會一直失去意識……」
文：「得啦，唔好講咁多啦！你救左佢先啦！」
Alex：「如果啱啱喺餐廳度我有出手阻止嘅話可能仲有用，但係咁樣會可能會影響到你入Dream Zone救你啲friend，因為我懷疑DNC正正就係喺背後控制住Dream Zone嘅組織。」
……