《我份工係收錢幫人拆散情侶》: CASE05 :陳家強

「----颱風黑格比於陽江市登錄後,已經減弱成為熱帶風暴及轉向西移,天文台已經除下所有熱帶氣旋警告信號......」

「咁做好陰質姐。」那年的我帶著口罩,和面上留著長髮的女生說道,街上行人很少,更別說是這家快餐店。

「佢咁對我,我真係好唔甘心。」她在哭,我心中傳來陣陣悸動。

「寧教人打仔,莫教人....」

「佢都係拍下散拖啫,拆散佢有咩所謂!」





--------------

光影又糊成一團,然後在空中重新凝固,場面變成學校。

「請支持一號贏閣!!」

「二號諾言,走在最前!!」

我從後接近贏閣站在最後排叫口號的副會長,把告密信扔到他的書包中,再混入人群中若無其事地回到班房。





----------------

「搞掂,你唔見佢地今日打到飛起?」我說的,是在今天下午贏閣內訌雙方人馬在操場大打出手的事。

「但..但係點解....」

我解釋道:「其實一睇就知,兩個副主席係一對,個班幹事,文既,例如秘書,福利,都係女仔擔任,佢地係女方既姐妹;武既,例如康樂,活動,都係男仔擔任,佢地係男方既兄弟。佢地一散,成個內閣只會馬上陷入內鬥,只係我都估唔到會大打出手姐...」

「你點...點睇得出...」





「社交弱點,好明顯啫。」

「你好恐怖。」

-------------------------------

「林一健,以你既成績,係可以原校升中六,你依加先要退學?就算你被人杯葛,都唔應該放棄讀書........」

我咬牙切齒地道:「我可以自修,總之,我唔想再返黎!!」

------------------------------

「你黎搵我都冇用架啦!我幾時要話我鐘意你姐!」

「我黎坦白同你講呀八婆!」我雙眼發紅,死瞪著她,「你只係利用我!你唔係要向你EX報仇要佢選唔成,而係你一早已經同個陳家強拍緊拖,只要佢地輸,陳家強就係學生會主席!你就係主席既女朋友!」





「係又點呀!傻仔! 我當你係棋咋!我愛佢,想佢贏到想佢贏,SO WHAT?!」

「我由小學開始,鐘意左你十年..」

「十..咁,咁又點先!鬥耐既咩?!」

突然,我看清了一切。

所有人際關係,在我眼中,我只看到一個個能用作將其瓦解的弱點。

-----------------------

陳家強倒在地上,他自預科畢業後,沒有一次拍拖時間長過兩個月。





至於我,我冷笑一聲轉身混入人群之中,扔下在海邊抱頭痛哭的他。

-----------------

「我叫阿強。」

「唔識你。」我沒興趣和一個陌生人說話,特別是這人又叫阿強。

「我知道,你擅長瓦解人際關係。」

我眉毛一揚,把頭一側:「冇D咁既事。」

「你依加等錢使,係唔係?」

我笑道:「世間上邊個係唔需要錢?」





「我有D朋友,需要你既才能。」

-------------------------------

唇內傳來一陣強烈的電擊,麻痺感沿神經線擴散到全身上下每一個毛孔,我猛然從回憶中掙脫,五感再次構成尖沙咀會場------

很多人在叫,在哭,狂笑,甚至有人抱頭在地上痛哭,我前方那個大漢更哭得一塌胡塗在地上打滾。

至於我,正在和漢娜接吻。

「WHAAAT THHHE FUCKKKKK?!」我猛然被後跳,結果被身後一個抱著自己蹲在地上的男人跘倒,連爬帶滾地跌在地上。

「呸!呸呸呸!!」





「使唔使呀,好HURT啫!」她過來扶起我。

我搖搖頭:「SORRY,太突然!佢..佢地發生咩事?」

「心理暗示同催眠,佢地正引發緊所有人最心痛既回憶,令人崩潰後再灌輸新既價值觀。「一生人一次」有冇聽過?」

當然聽過,大學生迎新營,新生在組爸媽面前裸體的新聞我也略有所聞。

「好啦,襯依加我地走啦,太危險。」

「面對!!面對你地既傷口,只有咁,你地先可以變成全新既人!」景恩晴在台上不斷說話。

我和漢娜襯亂走到暗處,再逃進後樓梯,把那些瘋狂扔在背後。