《男校驚魂錄》

是咁的，我中一至中五都係讀男校。

畢咗業十幾年，我冇刻意去諗番嗰間嘢，就算一支公喺屋企睇九把刀嘅《那些年，我們一起追的女孩》，都淨係覺得陳妍希好靚，好想J佢啫。

唔知係咪個天迫我記番起間男校，今日我個BOSS竟然一改平時嘅濕尻作風，嗲聲嗲氣咁搭住我膊頭講﹕「今日公司冇咩搞，早啲返屋企沖個涼，然後去WET啦。」

見到噚日先攞住份文件，屌我冇撚用嘅包青天突然咁NICE，我嚇到JJ都縮埋，仲諗﹕「唔係想炒撚咗我嘛？」

但係見到條友笑到成個烚熟狗頭咁，個心即刻定番晒，因為我知道，呢條仆街已經當咗自己係解放黑奴嘅林肯。





講真，早咗收工反而有啲唔慣，依家先係五點幾，老母又未煮飯，所以我決定喺商場遊遊蕩蕩，順便望吓啲着黑絲嘅大波OL。

正當望到慶恰恰之際，突然有個着住白色校服嘅四眼仔兜口兜面行過嚟，我啤咗佢一眼，個心真係震一震。

條友身上面嗰件校服，我十年前都着過，不過真正嚇親我嘅係，佢竟然戇尻到將個筆袋攝喺條撚前面。

個筆袋裝咗好多文具，而且仲係藍色嘅，襯埋佢條白色西褲，觀感真係弗晒。

講句衰啲，個筆袋就好似AV入面啲格仔咁癢眼。





見到個師弟搞成咁，我即刻喺個心屌咗句﹕「搞乜撚嘢呀？」

呢個時候，嗰啲同男校有關嘅記憶突然歸位，如果唔係個商場咁勁多人，我真係好想跪喺地下大叫一聲﹕「屌你老母﹗」

或者你哋覺得我咁激動好戇尻，但我唔怪你哋，因為你哋唔知男校有幾騎呢。

呢啲嘢，如果未讀過男校，又真係好難FF出嚟。

如果你問我呢間嘢有冇優點，我可以老實答你。





有﹗就係當你好撚唔如意嘅時候，可以懶尻佢﹕「最撚衰都係呢間嘢呀﹗ 」