寫歌: 别來無恙 - 陳柏宇 (二)
「生啊，下星期一去見個客個邊，你整好未啲資料？」
「仲差少少，好快好快。」
「係先好，大客黎，炒左你就仆街架啦。」
「好好好，我盡快。」
最近忙的走不開，公事，上課，和朋友聚會，今天要完成計劃書，明天和朋友去雞公嶺，星期天上健身房然後去見舊同事。雖然忙但其實充實，最少我無空去記掛那個人，那個名字，那個姓氏。
「Pat，整完份野去唔去飲下飯？或者……食飯？」
「啊…唔啦，搞完可能都成十一點，不過可以一齊走既，如果你肯等我。」
「無問題，反正我都未整完。」
Becka最近不停向我邀約，食飯，電影，遠足團也有她跡影。
她住太古，我住西灣河，不少時候也會一起離開公司，有個人可以天南地北的跟你聊天其實也不錯，灰暗的天也開始透出點點月色。
「我個friend話俾隻貓仔我養喎，但連自己都未養好又點養寵物啊唉。」
「呢到咪有隻狗囉，男人老狗啊。」
「好好笑啊，Pat。無人笑喎。」
「叫屋企人養囉？唔得咩？」
「唔得呀，啊媽話驚佢地打架。」
「姐係你有養開？」
「係啊，我。。。。。」
「喀嚓」
漆黑一遍。
其實也兩年了，你也應該要習慣回到家不會再有煮好的菜等你，燈不會亮著，更不會有人抱着你撒嬌説 「做乜今晚咁夜架？」，對不對，陳健生?
「
So how do you feel today?
How do you feel today?
‘Cause tonight I'm closing all the doors
So stay outside or lay down with our flaws.......
」
以前的我嘲笑你是甚麼年代的人，很少人會買 CD 聽，反正KKBOX , Spotify 等等的也足夠了，方便又新，那有人像你一樣為了那張 CD 特意每個月去一次唱片鋪
就為了問那張 CD 發行了未，老闆也記得你了，一進門就跟你說「靚女，未出啊，買住第二張先算。」
曾經我有問你
「其實點解一定要買 CD ? 個幾首歌你上網都有得聽啦?」
「傻仔，唔同架，你咁柒，點會明姐傻仔生。」
「講呢啲，咁到底係為乜?」
「意義。」
老實到了今天我也不太明白，或多或少，但我仍然記得你跟我說的那些生活小節。
「我唔會著住出街衫係屋企四圍行 ! 好污糟啊 ! 你都唔準! 」 但你要我提你才會記起
「你要行我右手邊! 無得解! 因為我唔慣，哈哈哈。」 當然也是由我拉你才記得原來你走了在我左方，然後你會罵我
「好心你啲野就放好啲啦! 齊齊整整先得人鐘意架嘛，死人陳健生。」 所以我現時將東西都放的十分齊整
「唔食辣真係無人生意義，所以唔好阻止我落辣油，你都要落，嗱。」 當然你知道我食三哥10小辣也會滿頭大汁，當然你也知道我會陪你食傷心酸辣粉。
「又偷食朱古力! 正仆街黎! 喂我個份呢!? 又食曬!!」 其實我每次買朱古力，都係買給你的。
現在的我們，竟成為了陌生的過路人，只是，相見的時候，竟然一句話都說不上，你迴避我的眼神，倒不如說，是那種想見你，但見面時，卻想逃離的感覺。
每一吋的我都想跑，想離開那嘈雜的音樂，遠離人群。
但內心的我知道再見你的機會是一個倒數，是可遇，不可求的。
可惜我選擇了離開，突然急病，公司出事，家人需要我。
其實我很想再直望你雙眼，很想再跟你對話，很想再跟你擁抱，很想再跟你詳談，很想再有人為我準備那麼多。。。
其實，你會不會掛念，以前那個深愛你的陳健生？
我寧願去進修，我寧願去健身，我寧願午睡，我寧願回公司，我寧願去酒吧，我寧願將自己所有時間都花光，我寧願無一刻可以停下來，因為停下來的片刻，我又想起你了。
所以我去打籃球，去行山，去澳門，去台灣，去做義工，去跑馬拉松，去做手工啤酒，去做皮製品，去四處亂看，去海洋公園。
就是不讓自己有一刻，一刻機會想起你。
「哇屌正啊，生哥請我地上黎打邊爐，拿唔計升職飯架!」
「係有錢既，咁大間屋。」
「你放到D野咁齊做乜尻啊，唔似你喎?」
「啊。。。啊生啊，你有幾耐無大掃除過?」
「啊。。。。。。我都唔記得。」
「你個天花，你啲牆，真係見到都。。。」
「咁以前唔係我去做架嘛。。。」
「哇生哥，幾多歲啊，Minions 床單?! 估你唔到喎!」
「O爺，唔好亂入我間房好嘛。。。」
「挑唔理你！開餐！」
「嗱野就執曬啦，酒又飲曬啦，野又食曬，係時候回家搵老婆！」
「O爺幾時多左個老婆出黎?」
「O爺老婆咪三上悠亞囉屌!」
「哈哈哈仆你個街!」
「收皮啦生仔，你呢，你又幾時結婚啊?屌唔記得左你同條女。。嗚。做乜尻啊我未講完啊屌！」
「喂生哥。。我地。。走先啦，自己睇住啊，走先走先。」
「唔緊要。」「屌做乜尻我未講。。嗚。。喂我！嗚嗚嗚！」
「拜拜！」
「星期一見。」
然後又變回得我一人的家了。
對啊，結婚，結婚對現在的我，或者...已經有點遠。
看著牆上那些即影即有相片，用手指摸著你的臉，只是有點掉色，那笑臉一日一日消失，就像跟我倒數一樣。
其實，我十分希望，有時候，或者，可能，你會想起我。
那個曾經想娶你的男人，那個說話大聲的男人，那個..愚蠢的男人。
只是現在這張雙人床上剩我一個 想起曾經的對話，想起那些承諾。
星期天在咖啡店看書其實是一個滿好的選擇，記得你很喜歡這間連鎖店。
「喂你啊，又話病，仲飲凍野?唔準! 」「BB啊，唔洗啦，我都就好返啦。」「你無得簡，熱。」
在我旁邊的這對情侶真的有點...耀眼。不過，如果是畢子晴，我應該都跟那男生 不同，或者我會堅持凍飲。
其實分手也不是第一次，只是想不到那一次會成真。你說，我忽略你，你說，我忘記了你。
「我忽略你?!我幾有唔記得你啊小姐，我陪你買野，同你行街，你仲想我點，我買咁多野比你都唔夠，我唔洗返工咩? 我，」
「陳健生啊。」
見你的眼神，我知道，這次，你是認真的。
「其實你，根本就唔明你既問題係邊。
「屌，我唔明，你唔好話你唔珍惜我做既野！」
「陳健生！」
「永遠都係有你講無你講，你講到自己幾就我，對我幾好，我要既唔係呢啲啊！
每次你都係將你個套加到我到，到底你係要一個 ＂你造出黎既我＂，定係＂本身既我＂啊？
我每次比意見你，你唔聽，fine。
你叫我做乜，我幾唔想你都要我做，每次都一大堆理由要我點點點。
係啊你好就我，買乜買乜，但有幾多次，你會用兩用就話廢既，阻地方，唔理我就扔，又係一大埋原因要扔，你連我同姊妹寫個啲信都扔，又唔見我扔你個啲模型!」
「你有事，我第一時間黎搵你，你入醫院，我唔理個大客我都黎搵你先。你呢? 我M 到，叫你幫我買個外賣，人呢? 去左劈酒啊!」
想著想著，下起雨來了。
算了，不想再看書了，回家吧，還好有帶傘。
不管了，濺濕也不要緊，多陰的天，多厚的雲，多大的雨，和我心中的也比不上。
這麼多次分手，沒學精的，或許只有我。或許我早已令她失望。關係，只係因為時間而拖著。
五年中鬧分手的次數也多的忘了，或者就係這樣，時間，心痛，失望，感慨，早於她心中萌芽。
只怪我，不願面對，不願了解，不願改變。
到底要用多少年少忘記到這五年發生的事?
只是現在的改變，都已經無用，心中更多的是後悔，內疚當日自己的所作所為。
只能寄望，現在的你，別來無恙。
「畢子晴」