上回講到開學發生既普通事
10月頭發生既事
呀懌:喂!呀希你一唔一齊參加個個去camp 既活動
我:ok喎!有冇女架?😂
呀懌:自己諗啦!參加得個camp都係中二架啦!
我:咁咪可以順便認識吓隔離班既人。
個Camp就有兩日daycamp 一次兩日一夜camp。
過咗幾日……
我同呀懌就去個D營前會,咁起學校地理室舉行。
我入到個地理室


我:呀懌,呢到都唔少人喎
呀懌:你咪煩啦,坐咗先啦。
跟住我同阿澤就一齊坐
嘩!呢個時候有邊個真係聽緊個人講簡介。
我都一樣冇聽,但好似我呢D活躍分子,當然就觀察吓其他同學做緊咩啦。
無意之間見到隔離再隔離個個女仔,個女仔眼大大、面尖尖,樣靚身材正。😍😍
曄!我咁大個仔都係第一次有呢種一見鍾情既感覺。
咁好似我呢D咁既毒L,又點敢問人地叫咩名。😣
當然我都冇同呀懌講,費事佢爆響口,咁完咗個營前會。
我見個女仔入咗去2B班房,精英班喎(AB班係精英班)


我就D班,唉!學霸又點會同我呢D毒L一齊。😫
突然之間就灰到一個點。
唔知各位巴打有冇呢種感覺,學霸與毒L好似距離差好遠
跟住都係同呀懌返屋企打機。😎
身為毒L既我只可以見步行步
但呀懌打打吓機就問我。
呀懌:今日睇中邊個先?😬😬
我:冇呀
呀懌:但你今日營前會係咁望隔離班D女,雖然我未知你 望邊個,但你一定有陰毛!😂😂
我:陰你個頭,關你蛋治咩。專心打機啦!😒


日日都冇咩特別,直至一個星期後第一次daycamp。
已有 0 人追稿