有啲野唔係㩒control+z就可以返到轉頭: 第十六章 - 回家 （完）

凌晨五點，敏安想必已和老公入睡了吧。
我卻拖著累極的身軀回家去。

門一開，卻見信寧坐在梳化上，
看起來清醒得很。

「咦！你酒醒啦？」我胡謅些廢話。

「嗯。」她簡短地答。



「哦⋯但我要瞓啦，攰死！」我打著呵欠道。

「你頭先去左邊？」她好像沒聽到我的話一樣。

「去搞埋婚禮啲蘇州屎囉，
你知好多豬頭骨冇人啃架啦～」
我沒神沒氣地應著，邊走向浴室。
 
 
「孟子聰。」她忽然喊我全名，我嚇了一跳，好久沒聽到。



當有個更適合的花名時，便沒有人會再叫你真名。

「下？做咩響我全朶？」我說。

「你係咪真係以為我唔知？」她木無表情地問。

「下？知咩？」我一頭霧水。

「你一直都鍾意敏安。」她平淡說道。



我卻大吃一驚，登時睡意全消⋯⋯
我還以為誰都不知道⋯⋯
霎時間，我講不出話來，家裡一遍死寂。

還是她先開口：
「我今日聽到佢同你講既野，之後你就一直唔對路。」

我心想，好像你比較不正常吧⋯難怪突然喝那麼多。

「咁你而家想點丫？」她問。

喂這是我的對白吧？

「我知你今日好震撼，


一定係咁想當年⋯尤其係日本啲野⋯⋯
係，你地當年係相愛，咁又點？
而家人地都結左婚，唔同你走去搶佢返黎？」
她認真問道。

「痴線！我都冇諗過要咁做！」我辯駁。

等等⋯有點不對勁。

「你⋯你當年就知道佢都鍾意我？」我問。

「我又唔係蠢到，
身邊最好兩個朋友互相鍾意都唔知既。」
她一臉理所當然，
就如當天我問她為什麼要幫我一樣。



我捺不住心裡的激動，結巴著問道：
「咁⋯咁你⋯⋯又⋯咁急住向我表白⋯」

「你唔係覺得我可以偉大到，
『成全』你地兩個一齊呀嘛？」
她說，臉上卻閃過一抹不安。

我突然覺得好可怕，
在我身邊十多年的這個樂天女孩，
竟然那麼攻心計？！

那時她突然表白，是要先下手為強嗎？
那次她打我一巴掌，真的是因為我讓敏安遇險嗎？
她把我從新娘房拉出去，是別有用心嗎？


她喝那麼多酒，只是因為高興嗎？

「阿慢。」她喚我一聲，頓一頓，說道：
「我想話你聽，我真係好愛你。」

「真架，我做咁多野都係因為我好愛你⋯我好想同你一齊。」
「我背叛左我好朋友，搶左佢鍾意既男人。」
「我留住你，令你冇得同最鍾意既女人一齊。」
「我夾生拆開左一對彼此適合既男女。」
⋯⋯
「但你問心，十幾年黎，你過得唔開心咩？」
「我允許身邊既男人，心裡面一直有第二個，而冇講過一句說話。」
「我每日都盡我最大努力去令你開心。」
「我每日都好愛你。」



的確，信寧也付出良多，也用心良苦⋯⋯
啊！我差點被說服了。

「你⋯但你令阿安一直都唔開心⋯」我狠狠地說⋯

「我知⋯所以個次，
我明知你約放工同敏安出去，
明知你送佢返屋企，
我都冇講咩⋯⋯」
她看起來有點內疚，續說：
「Jason係我介紹俾佢架，
Jason係出左名既鑽石王老五，
而家對敏安又細心又體貼，
佢會俾到幸福敏安架！」

我心一痛，
好像真的難以辯駁。
誰說當初我可以和敏安一起，就一切都好了？
難度今天新郎是我，她便會幸福？

老實說，信寧真的不欠我什麼。

我錢不多，她從來沒抱怨一句，
更向家人借錢，和我一起啃著麵包供樓。

我沒說結婚，她也一聲不響，
無名無份地跟我一起十多年。

我不好，她卻一直無怨無悔地愛著我。

難度我可以指責她當年小小的過錯，便一走了之嗎？

⋯⋯

「阿慢，你唔會離開我架可⋯？」她不安地問道。

縱然她總是好像聽到我內心那樣，這次她卻沒有那種自信。

「寧⋯」我不想回答她的問題，只是問道：
「點解你好似成日都知我諗咩咁既？」

「因為我鍾意你，所以會揣摸你諗咩，估得多，就知架啦。」
她應道。

⋯⋯

「俾啲時間我。」我只好說。

（完）