被綠帽後，我不知不覺成為了雜食王: 28

28
一夜無眠，我徹夜去想清楚自己到底要如何處理現在情況？ 我自己又是一個怎樣的人。
閉起雙眼你會掛念誰？
晨光初露，雨粉飄零，我第一次主動打給janna。
我：早晨啊，有阻你嗎？
J: 無啊，有咩事搵我？ 好少有
我： 無咩⋯ 只係想聽一聽你最近點同講聲再見
J: 咩再見？
我： 我出發去台灣，講聲再見同問一下有無手信要？我仲記得你鐘意鴨舌呀嗎？（當然這些都是籍口）
J: 哦⋯ 咁好，鴨舌就唔洗，你玩得開心就得～你同女朋友去？


我：唔係，我自己一個，呢次旅程無人可以陪我
J: 下！ 一個人喎
我：係呀～ 不過可能比我一人旅行，2人返來～
J: 有無咁好
我： 你男友相處成點？
J : 都是咁！ 佢成日⋯⋯（一堆抱怨，我無聽進耳）
我：你啊！ 怨咁多，小心人地飛起你。 信多點你男友， 兩個人相處要互信先長久。你女神來～ 畀多點耐性你揀的人。你地會好好的
J : 你今日咁怪
我：有咩？ 咁有無鐘意返我少少？
J : 算吧你



在一輪笑罵中，我慢慢掛上了電話。口哼著古巨基的公主病了。這是我當年常常對janna開玩笑的歌⋯

當人生太艱苦了
你有撒嬌的需要
唯有我肯被纏繞
即使寵壞都要
否則可找誰照料
因彼此都病了



也許每對分開的情侶都曾是病人，在病患中互依相偎。分開只是她們病好了或有更好治療。

滿懷遺憾及解放的心情，正式告別janna。 我步回工作上，借工作去沈澱內心的感情。工作到凌晨，我拖著累透的身子拿起電話。還有一場我必要面對的戰鬥。