[年齡無界限] 就係咁，我最近出席好多喪禮: １０８　天語幫手

天語一邊食一邊同我講：「有無聽過一句話，叫做光明嘅地方就會有影子，就算一個人表面有幾風光都好，背後總會有不可告人嘅秘密。」

我、小段同珍妮對望左一下後，然後我答：「聽係聽過，咁同我想知嘅事有咩關係。」

「關係就在於，我地發現城中一個富豪有一個私生子，而果個私生子係佢未發達前同一個女人所生，而果個女人可能就係你前妻。」天語講完後，我個腦開始發麻。

「不過，我地都未有十足嘅把握，因為久唔久就會有Ｄ人上門同Ｄ富豪講幫佢地生左個私生子呃飯食，所以呢一位富豪都無認，而係叫佢拎出證明，之後跟下跟下，就去到你果度。」天語話。

而小段係呢個時候就懶醒話：「份ＤＮＡ報告？」





「未懶醒啦，講都咁係人都估到，唔駛講出黎。」珍妮話。

天語見到小段同珍妮鬥咀笑左出黎，然後又講：「不過呢個富豪應該唔會認佢呢個私生子，因為以佢而家嘅身份同地位，佢唔會做Ｄ破壞自己嘅野，在講佢仲有一個已經結左婚陪佢捱左好耐嘅老婆，佢最多只會比一筆錢出黎就算。」

「咁樣衝上去話有私生錢就有一筆錢，真係好。」珍妮話。

「錢可以解決到嘅問題就唔係問題。」天語回答珍妮嘅說話：「而且可以用錢買到安心，佢地可以用幾多錢都可以。」

我一直沉默不語，因為我知道我前妻小桃紅真係會因為錢而話龍仔係果個人嘅私生子，「但我想知呢件事有幾多成真？」我問更語。





「你指嘅係……」「個富豪未發達前同個女人所生嘅私生子呢件事。」我再確實問出我想問嘅野。

「十之八九，只不過係唔確定果個私生子係未真係佢親生。」天語答。

我又再沉默不語，如果更語所跟嘅野係正確嘅話，所有答案都要到我拎返份ＤＮＡ報告先可以知道。

「妳會唔會可以幫我地手一齊搵搶左我地份報告嘅人？」小段問。

而天語諗左諗後就話：「可以，畢竟搵返份報告對我都有好處。」