[年齡無界限] 就係咁，我最近出席好多喪禮: １３３　不知所惜

「喂，你在行啊，仲唔去幫手？」珍妮聽到阿里媽媽嘅事後就講左呢句。

「我想幫到無用，有事另一個國家嘅習裕，我地想幫到幫唔到。」呢個係小段嘅回答。

但其實而家最重要嘅係阿里仲係差館入面，如果佢阿媽真係有事嘅話，應該點算。

報告嘅事，可以話算暫時告一段落，但係事後仲有咁多手尾跟，都唔知要搞到幾耐，龍仔同小桃紅件事應該仲要處理，不過知道龍仔係我親生，其實我都有放下心頭大石嘅感覺。

但係，果名城中富豪係邊個，我諗而家只可以去問天語。





我地去左天語做果間報館度搵佢，但係佢Ｄ同事話佢無返過黎，係問話期間，呢間報館嘅老總知道我地黎嘅原因，所以叫左我地入去佢間房度傾。

入到去，門一關後佢就話：「呢件事，你地可唔可以唔再知落去？」

佢係叫我地唔好知落去，而唔係叫我地唔好查落去。

但而珍妮嘅性格，佢一定會發問，「點解？」就如同我所諗嘅一樣，而小段今次都少有地問：「點解唔比我地知落去？」

「呢個世界之所以可以運作，係因為白同黑，但你地已經習慣活係白果一邊，就無謂闖入黑嘅世界。」老總講完後又話：「今次件事，果個人已經話ＣＬＯＳＥ　ＦＩＬＥ，佢得到佢想要嘅結果，唔想節外生枝。」





「你所講嘅節外生枝，係未我個仔龍仔？」我問。

老總語帶輕鬆話：「你都咁大年紀，好好享下清福啦，果個人只係唔想佢家族嘅爭產再添麻煩，佢都活得唔耐，日日見到佢Ｄ仔女為左佢副身家明爭暗鬥，唔想有多個人入去爭。」

「咁就可以買兇殺人架拿！？」珍妮好激動咁問。

而老總見到佢咁，突然間放聲大笑話：「細路女，買兇殺人唔一定係果個有錢佬，可能係佢Ｄ仔女呢。」

聽到佢咁講，啞口無言。





「就好似同先我所講，習慣左白嘅人，係唔係想黑，但如果有一點黑，想變返白係無可能嘅事。」老總語重心長話：「放心啦，我可以肯定話你知，對於你地要發生嘅事，已經發生完，剩低要發生嘅事，已經與你地無關。」

雖然聽到佢咁講，都覺得件事完結，但係我地仲有好多迷團想知道，但係，我地應唔應該知呢？

就係呢個時候，小段同細路祥嘅電話響起，佢地兩個聽完呢個電話，都呆左好驚訝咁望住我。

「發生咩事？」我問佢地兩個，而答我先嘅係小段：「舅父打黎話阿里走甩左。」

唔怪得佢咁驚訝啦，但係當我聽到細路祥嘅說話，我仲驚訝。

「阿里打比我，話佢同鄉講佢知佢阿媽走左，問我保險嘅事。」細路祥嘅回答，令我地在場嘅人又陷入不知所惜。