[年齡無界限] 就係咁，我最近出席好多喪禮: １４０　一個地址

見珍妮同天語都醉左，我地就叫小段同細路祥送佢地兩個返去先，而家，得返我同阿然。

「今次同你飲嘅，係第幾支酒啊？」我問阿然。

「第九支咋，同蔡老闆嘅紀錄仲差好遠啊。」阿然答我。

細呷手中嘅杯中物，然後再問：「唔知，蔡老闆個仔佢地點呢？」

「聽講，佢係上面搞緊自己嘅生意，努力中。」阿然話：「佢係個醒目仔黎，做野果陣同蔡老闆一樣咁駁。」





「蔡老闆親生仔嘛，緊係駁啦。」我笑住話。

然後阿然又再問：「咁你而家知道龍仔係你親生後，心情應該好Ｄ啦。」

「唉……」長嘆一聲嘅我無答佢，係就係心情好返Ｄ，但係龍仔而家高不成低不就，我都唔知仲可以照顧佢幾耐。

同佢飲完酒，返屋企休息，訓醒，張開眼又係另一日新嘅開始。

雨聲，嘈醒左我。





「駛唔駛咁大雨啊。」我行埋窗邊關好窗，然後，聽到電話不停響，我拎起睇睇，原來有成幾十個ＭＳＧ係小段ＳＤ比我，仲有一個係珍妮。

我先睇晒小段嘅ＭＳＧ，不外乎都係話唔知回解珍妮無啦啦打比佢喊得好緊要，但又唔知發生咩野事，睇最後一個ＭＳＧ，已經係今早６點幾果陣。

而我睇一睇珍妮個ＭＳＧ……

珍妮：尋晚天語係未拎個一個地址出黎，話對我係好緊要，今日我醒左果陣見到天語ＳＤ比我嘅ＭＳＧ話果個地址，係我生父同生母所住嘅地方。

我回想返尋晚嘅情況，係就係天語有拎過地址出黎，但係無人拎過，但天語又無收返。





正當我想回應珍妮個ＭＳＧ，小段打左黎，我二話不說就接左個電話，而小段一知道接通就話：「我同珍妮去緊天語嘅報館，輝爺你黎唔黎？」

我諗左一陣後就話：「好，等我。」