[年齡無界限] 就係咁，我最近出席好多喪禮: １４８　照計劃行事

我地交左個煙盒比銅ＳＩＲ，而佢望一望個煙盒就話：「呢個煙盒係邊個，我唔過問，但係你地如果識呢個煙盒嘅主人，記得叫佢真係要小心Ｄ，因為雖然果個有錢人只係搵個煙盒，但係有其他人係想連煙盒個主人都想搵到。」

我地聽到後倒抽一口涼氣。

「點解要搵個主人啊？」呢Ｄ問題就緊係珍妮問啦。

而銅ＳＩＲ就答佢：「其實詳細我都唔知，但係我估係有人想將所有知情者都排除。」

下！！！咁姐係我地都……「舅父……照你咁講我地三個都好危險ＷＯ。」





銅ＳＩＲ聽到小段嘅說話後就講笑話：「可能係果個人想比筆獎金知情人呢，唔好咁驚。」

銅ＳＩＲ……係呢個時候講呢Ｄ笑話唔好笑囉……

最後銅ＳＩＲ拎左個煙盒走，話會返去細心研究點解咁多人要拎呢個煙盒，而我地三個對望左一眼，我諗現時大家嘅想法都係一樣，就係唔好四圍亂去住，以及返去再睇一睇條片有Ｄ咩先。

與銅ＳＩＲ道別後，我地三個決定再返小段到睇片，但係如此同時，總係有一個人跟住我地身後，我諗唔止我，小段同珍妮都應該知道。

「點解最近成日比人跟……」我無奈咁話。





「倒不如說點解Ｄ人成人鍾意跟人。」小段話。

「咁我地仲唔行快Ｄ。」珍妮話。

但係如果要跟一個人，就算行幾快果個人都會跟到架啦，所以我地幾個決定分開行然後再出奇不易係果個人身後捉住佢。

「呢個計劃得唔得架？」我問。

「我覺得ＷＯＲＫ　ＷＯ。」珍妮話。





「咁大家就照計劃行事。」小段話。