[年齡無界限] 就係咁，我最近出席好多喪禮: １５４　放天語

面對住天語，我呢個有歷年嘅老人家都唔知可以點問佢話，完全係比佢帶住走，而佢呢一刻又問我：「輝爺，唔通你唔想去同珍妮搵佢嘅父母咩？」

今次到我笑而不語。

「你笑咩？」天語問我。

「妳真係好唔想我繼續問落去。」我話：「好，咁我問埋呢個問題我就唔問落去，點解妳要跟住我地？」

天語諗左一諗後答我：「我只係想睇下你地仲知道幾多，希望我可以做到Ｄ野減低你地嘅傷害。」





「如果好似妳頭先所講咁樣，其實都唔幫到Ｄ咩。」我話。

「我知，但我都會盡力做，因為我無咩野朋友，就得你地。」天語話。

其實我地同天語認識嘅日子只係好短，甚至我同佢其實都無咩私底下傾過計，但係從佢而家口中聽到佢話我地係佢嘅朋友……究竟佢係一個點樣嘅人，如果佢真係當我地係朋友，佢都可以話係一個好寂莫嘅人。

最後，我放左佢走，不過我無話佢知我地黎小段屋企係為左睇佢個煙盒嘅果條片，亦都無話佢知我地有果條片嘅存檔。

而佢走之前同我講：「珍妮搵到父母後，唔知會係點呢？」





「我都想知。」我笑左笑。

而佢亦都係笑左笑話：「其實，我係最想知道果一個。」

佢走左後，我坐左係小段嘅屋企，本來睇片嘅念頭已經打消左，而我拎起自己嘅電話打左比小段。

「你地係邊？」

「我地就到天語比果個地址，天語呢？」





「走左，我黎你地度？」

「……好。」