沉默始終無人敢打破,三個人仍然繼續尷尷尬尬咁互望。

我甚至連中央冷氣既風聲都聽得一清二楚。

今天的風兒好喧囂啊…

時間一分一秒咁逝去,大家都好似無打破沉默既意思。

咁樣落去唔係辦法喎,一定要諗下辦法打破呢個局面先得…



啊,我諗到講咩好啦。

正當我準備開口之際,有人早我一步開口。

但呢個所謂「開口」並唔係開口講野,而係lulu佢再一次咳,仲咳得好嚴重咁。

一見到佢咳到咁,美星即刻捉實佢隻手,不斷幫佢掃背,嘗試減輕佢既痛苦。

「原來家姐對我咁好…」



咦?我岩岩…係咪閃過呢個念頭?

我已經當左自己係魯路修..?

唔係唔係,一定只係錯覺啫。

我見到佢情況仍然無改善,仍然係咳到撕心裂肺,我忍唔住出左去,想話倒杯水俾佢飲,等佢可以舒服D。

點知一出門口,就見到晨哥。



我:「屌,晨哥你嚇撚死我啦。」

晨哥:「你…叫我咩話?」

我:「晨哥囉,咦…?」

點解我…突然間知道佢叫咩名既…明明到頭先為止我都唔知架…

晨哥:「你跟我黎。」

之後我就比晨哥捉左去,佢搵左一班人黎幫我check呢check路,仲同我照左好多野。

最後,我比佢命令我坐定定係另一間房等佢。

呢間房得一張櫈,除此之外就乜柒都無啦,仲有四面白色既牆囉。



不過咁都好,我可以藉呢個機會好好冷靜一下,組織一下自己既思緒。

點解我會突然間認得美星同晨哥?明明係見到魯路修之前我咩人都唔認得架?

咁即係原因係出係魯路修度啦。

點解我見到佢之後就會記起架呢?算啦呢D野我都係諗唔掂架啦。

唉,一諗呢d問題就頭都痛埋,真係麻煩。

晨哥:「喂,你出黎啦。」

咦,原來佢係我諗緊野既時候已經入左黎,我都無留意添。



我:「去邊度?」

「跟我走。」

呢三個字並唔係由晨哥講,講呢句野既人,係美星。

美星挨係房門,雙手抱胸咁講。

我:「跟你走?你意思係..?」

每隻字我都係慢慢咁講出黎,因為我根本唔敢相信自己聽到既野。

明明頭先美星對於魯路修要我呢個所謂既「複製品」要去代替本人去照顧個位Cherry非常不滿架,點解而家又…

美星:「就係跟我走,出去代替魯路修! 」



哇佢發脾氣好得人驚,直頭令人對佢有種恐懼。

而呢種恐懼我好似似曾相識…

我:「哦…知道。」

晨哥:「走之前,不妨去見多次魯路修,睇下佢仲有無野想同你講。」

哦,又好似岩喎。

我依照晨哥既建議,再一次同埋佢地兩個一齊返去魯路修間病房。

同之前唔同,今次入到去見到佢已經坐係張床上面,個人亦比頭先精神D。



lulu:「唷,黎左啦。」

我:「呃…係吖。」

美星:「咁我地係出面等你地啦,你地慢慢傾。」

之後佢同晨哥兩個就出左去,留低我同魯路修兩個係度。

Lulu:「睇你個樣,岩岩俾美星鬧完黎?」

我:「係啊你又知既。」

lulu:「唔知呢,可能係直覺掛。」

我:「你係咪有野想同我講?」

見到佢咁樣講令我有咁既感覺,於是我決定大膽d去問。

Lulu:「嘛…我都唔知…好似有..又好似無…」

「不如你話我知你叫咩名先?」

我:「名?我唔知啊..你知架…我係你既複製…」

lulu:「係喎…我一時唔記得佢地無幫佢改名添,咁不如我幫你改啦,就叫Proto Zero啦好無? 」

我:「喂我唔係Chaser呀…」

lulu:「哈哈你知道我想指咩架原來。」

我:「話時話,你改你個仔個名做Chase唔通係…」

lulu:「哈哈你估岩啦,我想佢可以好似Chaser咁正直。 」

我:「咁,Nicole呢?」

lulu:「哦,呢個就係因為我覺得Nicole呢個名好有氣質囉。 」

嗯,我同意,Nicole呢個名真係特別有氣質。

咦,點解突然間變左閒話家常既,我以為佢有D好重要既野想同我講添。

我望一望佢,想睇下佢到底有咩打算,卻發現佢神情凝重咁望住床尾。

我:「eh…」

lulu:「我說服左家姐啦,佢地三個就交俾你啦。」

我:「嗯,放心啦,我一定會,所以你就…」

lulu:「嗯,我都知道你會,因..為..我..地..係..」

佢最後講到斷斷續續咁係因為佢又開始咳,不過佢並無放棄,仲捉住我隻手一直講落去。

「魯路修呢個名,就交俾你啦…」

我並無用言語去回應佢,而係拍拍佢隻手同埋點頭,之後就離開,出返去搵晨哥同美星。

晨哥:「傾完嗱?eh…」

我:「魯路修。」

呢三個字一出,佢兩個面上都出現左一分疑惑。

我:「由而家起,我叫魯路修,返去啦美星。」

之後我就收拾好行裝,同美星離開左研究所。

我,離開左研究所,而魯路修,亦暫時離開左個位Cherry。

我唔知點解自己突然間會咁做,願意答應魯路修呢個請求。

我只係覺得,我一定要咁做。