「奇幻，純愛」《我，總是會愛上妳》: 失敗

我唔可以失敗。因為失敗的話意味著我會失去呢個咁多年既朋友。

連一個朋友我都救唔到，我仲有乜臉係其他人面前自稱晨哥。

「晨哥」係所有人心目中係一個從來唔會失敗既人，以前唔會，以後都唔會失敗。

而且魯路修，佢對我黎講係一個好特別既朋友，一個真真正正可以交心既朋友。

所以係咩方面都好，我一定要救到佢。可以用到既手段我都會用上。



我：「情況點樣。」

醫生：「都係之前咁…真係好神奇…有咁多器官衰竭到呢個情況居然都仲可以咁精神。」

「正常人咁既情況早就要靠呼吸機先可以過㓉…」

唉果然情況唔可以放鬆…

我：「Ellie 咁你個邊呢。」



Ellie：「今次已經係第十七個，今次轉左另外一款細胞同培養液，應該可以成功，但係時間實在…」

我：「唔緊要，只要成左形而無出現排斥反應的話就預備隨時移植。」

「但係係等待成形既呢段時間都繼續改進下款細胞，以免有乜突發狀況。」

Ellie：「嗯我會..啊..」

Ellen：「Ellie你無事吖嘛，你已經幾日無訓架啦，休息下先啦。」



Ellie：「但係…Beta version仲需要再觀察…」

Ellen：「之但係你睇下你而家…」

睇黎我逼得佢地太緊。

我：「唔緊要啦Ellie，你去休息啦，觀察既事交俾你隊crew啦，何況我都係度，唔需要擔心太多。」

Ellie：「但係…」

阿明：「晨哥都講到咁囉，你就去休息下啦。」

Ellie：「咁好啦，之但係…」

Ellen：「但咩係吖，快D去訓啦。」



Ellen一邊講一邊推左Ellie出去，而我亦走到去屋外既草地坐低。

睇黎我都係未夠成熟啊…逼得身邊既人太緊…

阿明：「晨哥你會唔會逼得自己太緊呀？」

哦？原來係阿明。

我：「唷，送左Ellie返去啦？坐吖。」

阿明：「佢唔肯返去啊，話點都放心唔落，只係肯係客房度訓，我完全無佢辦法。」

我：「哦…唔好意思，逼得Ellie咁緊…」



阿明：「唔似你喎晨哥，居然會用呢種語氣。」

我：「嗯？你咩意思？」

阿明：「我係話咁樣會低聲下氣唔似你，你總係高高在上架嘛。」

我：「嘛，可能係啦，最近終於體會到自己原來好無力。」

阿明：「因為魯路修既事？」

我：「嗯，我始終有種唔好既預感。」

「總係覺得自己救唔到佢，所以我而家先用䀆我有既一切辦法去…唉。」

阿明：「所以先逼得自己咁緊？」



我：「係。我一定要救到佢，因為我應承左佢。」

阿明：「但就算你失敗左，lulu都唔會怪你架。」

我：「唔係，就算佢唔怪我，我都會怪自己。」

「而且救唔到佢的話，Cherry就會太可憐啦…佢地對仔女而家先七歲…」

阿明：「咁又係…聽講佢地兩個經歷左好多野先可以有咁樣既生活，如果比Cherry知道左件事的話，一定會崩潰…」

我：「啊係呀…而且Proto Zero都唔可以要求佢一直扮演魯路修，所以…」

阿明：「係喎講起Proto Zero，佢地好似已經準備好D野。」



我：「係呀？咁我過兩日就拎去比佢啦。」

兩個魯路修我都想救，就算另外個個係複製品都好，始終都係魯路修，我之前終於都意識到呢點。

不過最壞既情況至少都要救一個…

阿欣…我應該要點做…我人生之中未試過有一刻好似而家咁惆悵，我好似可以做到好多野，但結果卻係咩都做唔到。

我真係好失敗。