溝女的聖地──補習社: 26

「吓？」我有啲唔係幾信自己隻耳。
 
事關係我哋間學校，係男女校嚟，通常傳嚟傳去都係男同女嘅緋聞，我真係未遇到TB。
 
我係聽過嘅，但未遇過囉……
 
「吓咩姐。」呀楊覺得我大驚小怪咁。
 
「我之前條女都係讀女校架，係第二高級。」
 


「女校裡面會有女同女嘅les好出奇咩，就好似男校入面總有超級基佬一樣。」呀楊個樣越講越頹。
 
坐係我前面嘅關晴都加打嘴埋嚟，「咁又真係呀，讀女校嘅女仔係特別純啲，但入面有幾多TB你又點知呢？」
 
我屌囉，Kitty都係讀女校，會唔會……？
 
「加上中學呢個時候，青春嘅年代，懵懂嘅時候……」關晴有意無意咁望住我，眼神盡是詭異。
 
「你個Kitty一陣俾TB溝咗睇你點算！」關晴講笑咁講，然後自己係度哈哈大笑。
 


但佢呢個講笑卻真係點醒咗我…
 
係喎，點解我之前無諗過嘅呢？
「喂！你哋係咁講得架啦，唔洗理我架啦……？」呀水抗議。
 
頂，掛住諗自己，唔記得老友呀楊依家飽受失戀之苦。
 
關晴見到呀楊咁失落嘅樣，都收一收佢把口，「失戀咋嘛，有咩咁大不了呀？」
 
呀楊無俾佢嘅說話影響到，依舊係度鑽牛角尖。


 
「你明咩呀？係我眼中，佢就係全世界。」
 
「點解呀！點解要係聖誕節之前先散呀！」呀楊發狂咁整自己個頭。
 
本來有gel開頭嘅呀楊，見到佢頭髮飛起曬，成個超級撒拿人咁，不禁鄧佢心痛。
 
「我屌你老母死TB，TB死全家！」呀楊突然大嗌出嚟，全班嘅人都望住佢，大家都知道估到咩事啦。
 
見到呀楊呢個失常嘅髮型。
 
「咁樣我同之前有咩分別呀！？」呀楊大聲問我。
 
我同關晴你眼望我眼，都唔知點好…真係收曬皮。
 


「我今年聖誕都係自己一個人過呀！！！！！！！」呀楊揭斯底里。
 
我明佢呢種感覺，因為我都係差啲自己一個人過……
 
「咁你仲有我呀嘛…」我好有義氣咁講，但唔呀楊唔受呢。
 
「死開啦，我唔要你同我過呀…我淨係想要倩兒同我過咋…」呀楊佢開始越講越細聲。
 
「倩兒…」
 
「倩…兒…」
 
呀楊嘅淚水好似堤霸壞咗咁，一湧而來。
 
我都係第一次見呀楊喊成咁，可見佢真係投入咗唔少感情入去，嗰種心痛，只有佢自己先明白。


 
當值17、18歲嘅我哋，愛上一個人真係用盡咗全力。