溝女的聖地──補習社: 51

我仲未嚟得及享受呢一個吻嘅時候，Kitty已經別過面去，背對住我。
 
我嘅初吻，獻咗俾Kitty，我無悔。
 
即使四周都漆黑一片，但我仍然感受到自己塊面好熱，唔洗照鏡都覺得好紅…
 
我張床又唔係大，窄到乜咁，基本上我同Kitty已經係肩並肩。
 
空氣一片死寂。
 


「係呢…？你頭先想講咩？」我細聲問Kitty。
 
……
 
無反應？
 
但我可以好肯定話你知，我好有反應。
 
好彩有張被係度咋，同埋黑媽媽咁，所以應該無留意到我已經起曬機嘅空中巴士。
 


我想再享受多啲嘅時間都無，接吻嘅感覺係濕？定軟？
 
大佬呀！俾個機會我確認清楚先好呀……我依家好辛苦呀！就好似等文一樣咁辛苦！
 
唔知幾時先會有下一篇，只有百無聊賴咁等。可以再錫Kitty嘅機會，唔知何年何日何時先會再有？
 
望住Kitty背住我嘅身影，加上周遭嘅環境，竟然覺得好有愛。
 
唔知邊本小說定電視，定電影，Whatever啦，我都唔記得咗係邊度聽返嚟，但我記得呢句說話：
 


夜晚，係人最容易胡思亂想嘅時候。
 
呢一個晚上，我輾轉反側，瞓下醒下咁，根本完全瞓唔著。
 
我又諗起好多嘢，其實都唔多嘅，只不過係今日發生過嘅嘢姐。
 
唔知大家有無試過啦，有時夜晚會諗返起今日所發生嘅事，通常我都會諗起啲開心嘅嘢，等自己可以笑住咁瞓。
 
唔開心嘅嘢，就收埋佢嚕，咁樣瞓醒之後就會記得啲開心嘅嘢，唔開心嘅就由佢啦。
 
今日開心嘅嘢太多啦，每諗起一樣都覺得甜。
 
我隻眼已經習慣咗黑，我望一望係衣櫃前面，有一條頸巾被個勾勾住，對我嚟講真係一個好珍貴嘅禮物，而佢，係往後嘅日子，亦陪伴過我渡過好多個寒冷嘅冬天。
 
第一次同女仔交換聖誕禮物，第一次嘅小牽手，第一次錫唎，第一次錫嘴。


 
今日我心臟真係受唔少刺激啦，佢仲頂得順，我覺得佢真係好勁。
 
一諗起嘅甜蜜嘢，我嘅小小水都好識做，自動軟化咗落嚟。
 
好明顯Kitty已經瞓咗，我亦都無越軌嘅思想同行動，只係安靜地躺係佢身邊。
 
錯過咗嘅機會唔會再返嚟，我認我衰仔，嗰陣係想做衰嘢，但又唔知從邊度開始先好。
 
唔知，唔識…
 
我同你講，話唔想嘅都係呃鳩你。當你係張床上，同一個女仔一齊瞓，如果你對佢無任何邪念，唔想佔有佢嘅話…可以證明一樣嘢，就係你唔愛佢。
 
係Kitty錫我嗰一刻，我碌鳩係硬到可以屌撚死佢！
 


你問我嗰刻想唔想扑佢？我可以誠實咁答你──想！
 
但年輕，好多嘢都唔識，唔夠膽，皆因我不是MK仔。

一諗起今日發生嘅事，我都會甜住咁笑。
 
碌下碌下咁，就瞓下，但過咗無耐，好似夢返今日嘅事，又醒下咁。
 
我連自己幾點瞓著咗都唔知，只係覺得沉下沉下咁。
 
當我真係醒嘅時候，我發生Kitty好似隻貓仔咁捉住咗我隻手，成個人捲埋咗一舊。
 
我望望枱面上嘅鐘，只不過係朝早8點左右。
 
可能係琴晚太興奮，瞓得唔多啦，通常有咁嘅情況，第二日起身會攰到仆街，係你瞓返兩日先可以補充返嘅精神嚟。


 
Kitty仲未瞓醒，但睡相依舊可愛，根本可以用貓嚟形容佢。
 
我隱約聽到出面啲著鞋聲同鎖匙聲，我估老豆老母都要出去返工，窮人家就係咁架，成家人都要打工搵錢，我都見怪不怪。
 
我揉兩揉自己隻眼，醒起今日聖誕節喎，都唔洗返學。
 
我一路望住Kitty嘅睡相，好自然咁笑咗出嚟，純粹因為Kitty係自己身邊而笑。
 
一切太過唔真實，彷如一場夢。會有呢種感覺，係因為一切都太美好，好到你唔信，以為呢啲事唔會真係發生係你身上，只會出現係夢境。
 
我輕輕舉高雙手，慢慢伸向Kitty頭上，最後都係放係佢輕柔嘅秀髮上面，慢慢來回地摸。三下，一共摸咗三下就收咗手。
 
因為我真係當咗Kitty好似我女朋友咁，雖然我都唔明有女朋友係咩感覺，大約好似依家咁掛，因為有佢而感到開心，快樂。
 


「哈痴！」Kitty打咗個噴濞。
 
仆街，我掛住沉醉係自己嘅世界入面，無留意到Kitty有一邊係無被。