「阿珊啊...」悲傷既世伯同綺霞係手術室門外痛哭,「啊...醫生,我個女點呀?」
手術室道門開左,有個醫生出左嚟,但陸綺珊仲未推出嚟,手術仲未完?仲要做幾耐?佢好嚴重嗎?我仲可以見佢嗎?
「傷者經過手術之後,情況已經漸催穩定,但係...」係醫生講解既同時,醫護人員亦將陸綺珊推出嚟。訓係病床既陸綺珊戴住氧氣罩,頭同身紮左好多繃帶,尤其係右手。
「阿珊...阿珊啊...」世伯雖然傷左隻腳行動不便,但都奮力用拐杖一下一下跟住張床直至跟唔上為止,「醫生我個女仲未醒既?」
「頭先講過,雖然傷者情況穩定,但因為佢頭部經過猛烈撞傷,出顯腦震盪,以致而家昏迷不醒...」醫生講解時就好似機械咁,明明有個人昏迷未醒,分分鐘可能...點解佢地可以咁冷靜既?
「咁佢幾時醒呀?」世伯哀求既目光,渴望著醫生會帶來好消息,但...
「唔知道...」醫生低頭,跟講左啲似係安慰但實質唔係既說話,「可能一日,可能一個月...一年...甚至...」
甚至?一世?綺珊要訓係張床度一世?
但更傷心既消息更陸續出現...
「傷者既右手多處骨折...好返之後...可能無以前咁靈活...」


「吓?咁佢仲畫唔畫到晝呀?佢仲話要立志做畫家...插畫師...咁...」醫生無回答,或者講佢根本唔知點答,只有默默離開...
「醫生,只要佢醒返幾多錢...我做咩都得...我戒賭...我斬手指戒賭...只要佢醒返...啊...阿珊啊...」世伯終於支持唔住,跪係地上痛哭,側邊既人無不動容...
「爸爸呀...你唔好咁喇...」綺霞走去安慰世伯
「點解會咁嫁?」
點解?係我...
假如唔係我走去見佢,佢就唔會被車撞...
假如佢唔係叫住我,就唔會走出馬路...
假如唔係因為我,佢而家就會同家人開開心心咁生活...
一日都係我...我只會帶來不幸...我唔應該愛任何人...我決定唔再愛人...
「小柔,你無事丫嘛?你匿埋係間房好耐喇...」呢幾日我無出過門口,就連學都無返,我唔敢見任何人,就連我自己...都面對唔到...


我好想見陸綺珊,但我唔想見到佢訓係病床個樣,係我搞到佢咁,我仲有咩資格面對佢同佢屋企人...
但...我真係好想佢...
「小柔,你出嚟喇...小柔...你...」幾日後,我第一次由睡房出嚟,媽媽就露出一個既驚訝又悲傷既表情...
「小柔,你把頭髮...」我將留左好多年既髮型剪左,剪左個男仔頭...同陸綺珊一樣,我唔單只想陸綺珊,更想成為陸綺珊,咁我就可以日日見到佢,代佢生活,永遠同佢係埋一齊...
自果日起,我就對自己講我唔會再為誰心動,然而...
「林慧勤,你知唔知劉家雄媽媽入左醫院?」
「吓?」佢表現一陣驚訝,「佢尋晚打過俾我,但我唔記得覆佢...咁佢而家點呀?」
「啱啱佢打俾我...雖然佢口講話無事,但我知道佢最需要身邊有人陪佢,而果個...我而家就去搵佢,你一齊去啦!」對我嚟講醫院兩字有如惡夢一樣...
身為女朋友既林慧勤理所當然咁跟我去,但係搭車途中我地都無講過野,佢一直低頭若有所思咁。原本我既計劃係佢地見面後我就打圓場默默離開,但劉家雄一個出人意表既舉動,卻令我既目標甚至我地三個既關係徹底破壞...
久違左既感覺再次湧現,擁抱傳嚟既溫柔及溫暖頓時令我感動到差啲流出眼淚,同時令我忘記身後既一個人...一個唔願意見到依個情景既人...


「你仲企係度?追佢啦!」我最唔希望既情景卻出現係我眼前,我只有盼望劉家雄可以挽留林慧勤,但佢就好似一碌木咁企係度目送林慧勤離開...
「喂,你唔好走啦...誤會嚟嫁...唔係你咁諗嫁...」我用盡最後既努力希望將佢地挽回,但...
「唔使講喇...」林慧勤雙眼既淚水就快掉下時,佢轉身就走,望住佢悲傷既背影,受傷既唔止佢一個...
我果然只會帶來不幸...
「嘟嘟...」屋企電話響起。
「喂...我想搵羅小柔...姐姐...」電話裡傳來一把似曾相識既聲音...
「我係...」我知道依把聲將會帶來震撼既消息...
「小柔姐姐...家姐佢...醒返啦...」
已有 0 人追稿