從戲院走出來之後,Tiffany沒說過半句話,但我倆卻並排而行,我親了Tiffany的面頰,
 
「我落定訂先,我鐘意幾時拎走你都得嫁。」
 
Tiffany看見我調皮的樣子,也不禁笑了出來,我們便一起去街市買材料,我與她雖越走越近,但理性告訴我要等,剛才為了逗Tiffany已經一時衝動,我要安守本份,免得再傷害女生。
 
到過街市後,我們便一起步行回家。
 
誰知正正在樓下,我又見到那一輛Benz停泊,我正想告訴Tiffany她男友在等她時,說話未完已給Tiffany拉我從後門上樓。
 


為什麼要避開那個中年男?如果真的只是上司下屬關係。
 
回到家裡,我沒有去追問,只是放材料入廚房,開始準備晚餐,Tiffany不願自己一個在廳外等候,她打算在廚房欣賞,
 
「出去睇電視等啦,好快有得食。」
 
「我想睇住你喎!一陣你落毒點算。」
 
「放心啦,唔會落毒嫁我,唔⋯捨⋯唔。」
 


「口upup講咩呀?」
「係呢,點解你唔問下我點解頭先避開架車?」
 
「私人野,廢事問啦,你想講自然會講,佢同你男朋友既野,你地解決啦! 」
 
「佢真係唔係我男朋友嚟嫁!」
 
「咪玩啦!佢唔係唔通我係啦喎?」
 
「你想咩?」


 
我裝作沒有聽見,專心地切菜。
 
「超!我番出去囉。」
 
 你明白愛一個人,又要顧東顧西,又要擔心自己冇能力有多難受嗎?你明白責任有多重嗎?
 
她跑了出客廳,或者她等的,只是我的一句,或者。
 
「食飯啦,Tiffany,原創咕嚕肉,檸檬汁銀鱈魚,蠔油炒西蘭花,快啲試下我手勢啦!包你食完話想嫁比我 。 」
 
「我就唔信啦!不過好似真係好好味咁喎,等我女版蔡瀾試下先!」
 
「你係第一個女人令我為佢下廚,恭喜晒!」
 


「唉,都唔知係咪成日用依招溝女,你啲男人口花花咁!」
「早知你識煮野食我之前等你煮啦,我慳番啲力,不過個咕嚕肉真係好好味呀,你下次教我點煮呀,知唔知道?」
 
「That’s my pleasure,如果你鐘意的話,我地以後多啲係屋企煮野食,唔好出街啦!」
 
「好呀!不過你洗碗喎!」
 
吃過晚飯,我們坐在梳化看電視,Tiffany照舊睡在我大腿上,我忍不住開口問,
 
「係呢,我有樣野想問你好耐啦,之前未熟你唔敢問你,依家熟啲先問得出咋!」
 
Tiffany捏著我鼻子,
 
「依家同你好熟咩?唔知醜,問啦!」
 


「Err,點解你咁細個自己要搬出嚟既?你⋯嗯,係囉!」
 
我搞不懂Tiffany在幹什麼,她指尖在我大腿對開不斷遊走,我的生理反應使我,硬了。
 
「嘻嘻,你睇你個樣,成塊面紅晒!」
 
Please,I am asking you a question!
 
「好細個咩?不過我係冇爸爸媽媽嫁,孤兒仔一個,細個就係孤兒院大啦!係喎,淨係得我講,我夠唔知點解有個三唔識七既同我住咯 。」
 
「我係被上帝派嚟豐富你既生活。」
 
「收收皮啦Baby,再吹大啲丫你,快啲答我呀!」
 
「其實,我呀爸呀媽都一早去左,我之後搬左去契爺到住,都廿二年啦,唔想再靠佢地,咪搬出嚟,就識左你,你話喇,係咪好黑。」


 
「哼!唔滿意咪搬!」
 
她緊握我的鐵柱,我露出痛苦的表情。
 
「我⋯唔捨得你嘛。」
已有 0 人追稿