一個普通女仔既大學故事: 十二

返到房只有一直回味緊同書生搞野既片段。。

所以話女人搞得通常都有D好感，好難單純為性。。。

一直發呆既我，實在無辦法專心。。。

我知道無法係Player既你身上要求更多，

所以我會將所有野藏係心入面。



返左成日工又搞完野好攰，1點鐘沖完涼就諗住訓。



「呯！」突然間有人推門而入。平時無人入黎我房架嘛，嚇死我呢個毒撚。

原來又係書生。點解你好似時時刻刻都出現係我既生活入面？

「死毒撚，而家唔鎖門啦？」書生話。



「上次俾你話完毒咪唔鎖囉。」唔鎖係幻想有一日你會自出自入咁黎搵我？

我繼續話：「做咩呀？岩岩扑完野咁快掛住我想見我？」

書生笑笑口話：「係啊。見唔到你好寂寞，想搵你一齊訓。」

「喔。。咁。。咪訓囉。。」突然間咁講，令我有D怕羞，同埋開心。

「對住我發晒姣咁，心動呀？」書生話。「唔好鐘意我啦。」



書生一野訓左係我張床度。「是咁的，個Carmen係咁whatsapp我搵我，問我係邊。Miss call都30個呀屌，好撚煩。」

Sad左。。。等我仲有一刻相信佢真係掛住我。。。

所以想留係一個留唔住既人身邊，一定要識做個唔chur既女人。。

我：「哦。。原來你上黎避風頭既。。」

我又唔會唔俾佢留係度，順理成章呢晚我地就一齊訓。

仲好似對小情侶咁攬住，好Sweet。我希望時間可以停留係呢一刻，咁我就可以永遠都攬住你。



第2日返工又見到Parsons同書生。



Parsons問書生：「琴晚沖完涼唔見人，去左邊？Carmen成晚係房煩9住晒話要搵你呀。」

書生：「去左人地房度訓囉。」佢望一望我。

Parsons無為意到書生既眼神：「又食女。好心你啦係度依唔好係度柯啦，搞著我地。」

書生拍拍Parsons既膊頭：「咪嬲啦，介紹幾件正女俾你識啦。」

Parsons：「咁又唔同講法。」有客揮手叫落單，Parsons就走左。

書生即刻搵隻手meet我塊面。

呢條友呀，真係好得人驚。。。



係熟人面前扮晒無野。。。

我覺得自己好似同佢偷緊情咁（事實好似係？）

都唔知未浮面既佢食左幾多女。。