一個普通女仔既大學故事: 十九

住左三個月Hall既十仔已經完全適應大學生活，好知定識去玩。而家Ｄ細路比當年入大學既我地更加識玩，懦子可教也！

「喂，我帶左個新朋友黎呀。」十仔帶左我落Hall附近既酒吧，同D frd介紹我。

「你就係傳說中既靚女OC？」

「講呢D。。我怕醜呀。。」我笑住答佢D朋友。

玩酒Game期間我同十仔不停俾人造，我俾人罰飲十仔都幫我頂左好多酒，但都頂唔到幾多，我地十個人有男有女飲左8個Tower，平均一人4shot，個班死人Bartender又勁好係咁請我地飲，飲到成班勁high發晒癲，又跟住唱歌。



突然間，我收到Felix既msg。

Felix：【喂，訓未呀你。聽晚搵你食飯？】
我用發癲好醉好開心既聲音錄音：【未訓呀～～哈哈～～～我落左Hall樓下間Bar飲酒呀～～～wow～～好開心～～～今晚唔洗返屋企啦～～～】
Felix即刻覆我：【你同邊班人飲緊？】
我：【我唔識嫁，個組仔D Hallmate。】

跟住佢就冇覆我。

某男仔指住我：「喂，唔準禁電話，你同我罰飲呀！！」



「好好好。我幫佢飲。」十仔明明飲到訓低左，都仲話要同我頂。真係可愛。

「佢飲唔到啦。等我幫佢飲啦哈哈哈～我地鬥快飲呀！飲得慢果個再罰飲多杯！」我提議。



「Stephanie！」玩玩下，突然有人拍我膊頭，一轉頭，原來係Felix。

「咦～你做咩係度出現既。」



佢一臉擔心咁話：「聽到你把聲驚你俾人溶左呀我。」

我：「你同我定啦！我不知幾飲得呀！你睇下十仔都訓底左我仲未醉！」

Felix：「收皮啦你。就係同你飲過知你有幾屎呀。」

佢掉底左兩舊水，就一野拖住我走，上左架的士話要送我返屋企。

飲完酒一定無力，挨挨碰碰都唔出奇。我成身都放軟晒，係的士度攬住佢休息，都唔會點尷尬。

佢好溫柔咁撫摸我既頭髮，嘀咕著：「唔飲得又學人飲。成日要人擔心你。」

我望一望電話，原來已經3點鐘：「你聽朝唔係要返工咩？」



Felix：「係呀。咁要接你都冇計嫁，至多聽日請sick leave囉。」

我好嗲咁撒嬌：「都係你最好啦～」

Felix微笑咁講：「岩呀。冇我睇住，你唔掂嫁啦。」

我一副player格咁講：「做咩呀？鐘意我想同我表白呀？」

Felix：「係呀，最鐘意你啦。」

我：「我都鐘意你呀。」

Felix：「你。。會唔會想試下同我開始？」

。。。我聽到之後成個人當堂醒一醒。係醒左一秒既。



我：「下？哦。。好呀。。」wing下wing下，鳩答佢。反正飲完酒講既野都唔可以當真。聽日訓醒至算啦。

Felix送到我去屋企門口，睇住我入去先走。