一個普通女仔既大學故事: 二十一

今日係書生畢業禮既日子。

放學經過就無預告咁搵左佢影相。呢次係自從Quit hall之後三個月以黎第一次同佢有交流。

著左恤衫西褲再加畢業袍既佢成個人好Sharp醒，比平時係Hall見到頹Look既佢更Smart更吸引。

「Step，好耐冇見啦。有冇掛住我呀？」佢用帶有少少懶音既聲音同我講。我知佢咁樣係嗲緊我。

「係呀。我特登黎搵你影相嫁，係咪好好先。」



「你最好啦～抵我咁錫你。」

「你而家返緊咩啊？」

「我而家係爸爸間公司度做緊呀。你有冇見過呢個系列既頸鏈呀？我有份搞嫁。」

「呢個牌子都唔平喎，我自己就唔捨得買啦，都係搵個男人送俾我啦。。。」

「我遲Ｄ送條俾你啦，不過唔好話俾人知喎。」書生話。



「拿，你話嫁，唔好走數呀！」

「我書生幾時走過數嫁。過黎，影張相先。」

講完書生就拎左部電話出黎同我自拍。

望到張自拍，好開心啊。我覺得仲可以同到你傾計，已經心滿意足，再無任何要求了。





「係呢，自從上次，你仲有冇同Felix聯絡？」我問佢。

書生話：「冇啦緊係。唉，我都知我係做錯左。」

我：「都無計，發生左既事都改變唔到。出黎做野記住生生性性啦，唔好再好似以前咁貪玩。」

書生：「嗯。我而家都拍緊拖啦，修心養性。努力返工做Ｄ成績俾女朋友睇，第時就同佢結婚。」

我：「嘩，乜Player都會講呢Ｄ野？」

書生：「Player都會有玩夠想定既一日既。」嗯，但我知令你改變到既人唔會係我。

書生：「你都係啦，就黎Grad，大個女啦，唔好再咁貪玩。」做咩學我講野姐你。

我：「 哦。。好啦。。我走啦，拜。再傾啦。」



我明明應該嬲佢當我係Nothing，呼之則來，揮之則去。

但對住佢，我總係無晒辦法。一見到佢個樣，我就點都嬲唔落。

我真心祝福佢搵到佢既Mrs. Right，唔好再係Player既世界度浮沉。

因為，對愛唔認真既人，一世都唔會得到真愛。