話說部電腦係三年前有個親戚送比我,一直同普通電腦冇乜分別 
但玩左一年幾,因為考試關係,已經冇乜去掂 
一黎我唔鐘意打機,二黎一開電腦咪又係上高登,加上已經讀緊大學,好少話會玩自己部desktop 
所以有好一排 我諗大約半年冇開過呢部電腦 
到左兩個禮拜之前,因為要過番單身既聖誕節,又冇咩好節目 於是毒不可耐地開番著部電腦 


「嘩!咩料,肯定封向左走向右走哂塵啦」 當我禁著部腦既時候,見部腦有d怪聲,以為d塵多到喊 
意外地 裏面又唔係好多塵 但象徵式抹左兩野 於是又再重新開機 
yeah 跟住好自然咁就入到window 部腦都好順 






好懷念,見到好耐冇見過既wallpaper,係一幅好有歷史味既油畫 
唔知點解中學既時候有一排迷過歷史,自此桌面就keep住換一d 歷史畫做桌面,可能係中學雞既懶型 
正如我以前一樣,開電腦真係無咩好做,除左上高登 
「你地harddisk 收埋左幾多Gb既av呢? ..... 」無無聊聊底下,就禁入左去呢個post睇 
高登仔真係好鐘意誇大,鬥多,當有人講慘野,總會出現一d更慘既user 出黎分享,真假我就唔知啦。 
「我收埋左成箱1TB harddisk 既av....」 
我當堂嚇左跳,唔向左走向右走係掛,收埋咁多av ,你估你係潮文果條友,4000蚊就做到國家政協呀? 






係喎!話時話,到底我會唔會save低左av唔記得剷呢? 呢個時候我有d驚。 
雖然話我冇用開呢部電腦,但有時屋企人會用,隔離屋個蓮姨有時都會開黎睇股票 
比佢地見到我有珍藏都唔係幾好意思。 
我一直以黎都係上網睇既多,download既真係少之有少,所以我都唔係話驚得好緊要。 
當我禁我的電腦,一開 


「Hi Auntie,多左成300Gb野既喂?」 
果刻我即刻心諗,係咪老豆拎我部腦做儲存倉? 




我入左去個c driver入面,發現一個好特別既file 個檔案名寫住「lapallo 113210」 
我再click入去睇睇,都好唔對路,每一個file都有哂一個編號,而且有九成既file 加左密,即係我係入唔到去。 
我試下勁打密碼,當然係解唔到碼啦。 
當我試下入去睇下一d無加密既檔案睇下既時候,我發現有好多亂碼既txt 檔案係度,不過呢d都唔出奇,有時打機都會有呢d檔案。 
睇左幾個file都係咁鬼樣,正當我諗住放棄再開既時候,我搵到一個avi檔案 
「Auntie,仲唔比我搵到av ,就睇下你係咪咁有品味」 我微露一個佐助型既笑容 
唔開由自可,一開殊不知聽到一陣lag機疾下疾下既聲。 
畫面閃左幾野,一陣白一陣藍,跟住就全黑畫面,字都冇隻,都唔好提話有冇女人。 
我仔細聽把聲,都係聽唔出男定女聲黎。


呢個時候,我聽到客廳度門開緊,老豆番左黎 
我坐住張電腦櫈 就跣出去「老豆,乜你係我部電腦down左好多野咩?」 
「關我鬼事呀,我依家上網都係用iphone,邊洗用電腦」 
憑我過人既洞察力,老豆個樣唔似講大話,起碼隻眼冇mak大先 




過左冇幾耐,老母同蓮姨都番左黎,照樣問佢地有冇down過好多野落去部電腦度 
結果係唔關佢地事既 


唔知邊個咁有心機搵d咁野就想嚇我,大佬我嚇大嫁,條友仲要係冇腦既,依家邊洗用電腦上網。 
「好!既然d野又唔係我,又無人認領,唯有同你say sayolala」 
del..............del唔到?! Hi Auntie你老闆.... 


怒火中燒既我立即拎起電話打比我一個老友 
「喂,肥康,我隻harddisk好向左走向右走勁,無啦啦多左三百Gb既勁野,仲要del唔向左走向右走到。」 
肥康係我一位中同,佢電腦方面好勁,AL果陣3條A揀左computer science黎讀。 
「街市仔,你聽日拎隻hdd過黎啦,del野好易搞既姐,記住下次識做啦,介紹幾條女黎認識呀」 
Hi!肥康雖然係一個電腦毒向左走向右走,仲係高手中既高手,但佢仲係留戀世間物欲,同高登既老納貧僧差唔多lv。 
真係老友喎,老友真係要黎搵笨。 






如是者我第二日就交左隻hdd交左比肥康......