大約過左幾日,我腦海中hdd既事都抹去左一大半。 
我個人就好鐘意打書釘,百無聊賴下我就去左中央圖書館睇下書 
圖書館有好多好專業,好有意思既書,但偏偏好少人會借黎睇。 
可能唔係小說,唔係出名既散文,唔係人人吹捧既作者就唔會有人翻閱。 
我隨手翻閱一本「Callapse Of History」 
我不其然心想,歷史會點崩潰? 
我由細到大認為歷史係唔會改變,我唔相信存在無限既平行世界 
無論去到最後,歷史將要發生既野我地都冇可能去避得開 
可以做既野,只係改變自己既心態 
本書內容可以話係非常無聊,有一part講如果二戰果陣希特拉比人暗殺左又會唔會引發二戰呢? 




但歷史係冇如果,如果歷史可以改變,咁佢已經唔係歷史。 


一眨眼,天已經入黑。 
電話響起「喂街市仔,我有d野想同你講,盡快趕黎我屋企先!」 
未等我回話,肥康已經cut左我線 
唔通肥康係我隻hdd發現左d咩?一股好奇感即刻就湧上黎。 
紅van就搵唔到,我就坐左架綠van去左肥康間公廠。 






去到既時候,發現門冇鎖實,我輕力一推就將門開左。 
入到去裏面既時候,發現裏面唔只肥康一個,仲有個中年女人。 
「街市仔同你介紹,佢係我相熟既一位tutor,對programing同密碼學好有認識,可以話係專家中專家。」 
我露出一個紳士級既笑容,同中年女人握左握手。 
「小弟街市仔,老粗一個,請多多指教」 
估唔到肥康咁識食,狼虎之年既半老藕真係乜精華都出哂黎。 
中年女人輕撥一下佢既秀髮「hello,我叫miki」 
嘩Hi Auntie,人叫miki你又叫miki,我真係好撚想嘔呀。 
我梗係無屌出聲「啊!幾襯你喎個名」我發現我真係影帝。 






望下地下,周圍成地杯麵,蒸餾水。 
我好奇問「喂肥康,你呢幾日都冇出過街咩?」其實毒向左走向右走真係唔洗出街嫁喎,但唔好意思收番。 
「咪係你隻hdd單野囉,越深入了解,越發現更多不解既迷」 
肥康係螢幕上面不段比劃 
「首先要同你講既係,個file 依然係度變大,而且增長速度快左,本來多左600GB 依家已經去到5TB, 
但你隻hdd只係得1Tb既容量,雖然我好想知迫爆左容量會發生咩事,但我已經將佢駁多幾隻hdd, 
依家佢已經侵蝕埋我幾隻hdd,遲d可能要駁去我個server」 
真係想像唔到,隻hdd咁快比佢迫爆「嗯,咁你仲發現左d咩?」我追問。 
「好可惜既係,我仲未解得開d file,我嘗試過拆開隻hdd,發現磁場強度有d變化, 
當file侵蝕埋第二隻hdd果陣,另一隻hdd都出現呢個情況。」 
我點頭表示明白,肥康繼續解釋


「我仲發現一樣好奇怪野,就係d txt檔案建立日期個個都唔同」 




「唔同有咩出奇呀? 話哂日日都有更新啦」 
「你當我低能呀?係奇怪在建立日期既年份,例如呢個 santi.txt建立日期就係1938.4.15,而依個呢就1537年」 
「1537年應該冇電腦嫁喎」我r哂頭咁講笑 
「廢話,更重要係果段片,請miki小姐可唔可以解釋比蠢人街市仔聽呀」 

miki用佢有d皺紋既嘴笑左笑 
「前日呀康佢sd左呢段片比我,希望我可以幫佢寫一個program可以睇到呢段片」 
「因為我估計係software既問題,先會load唔到段片,一般既解碼player都應該播唔到」肥康插嘴道。 
「係呀,我見到段片d編碼都好奇怪,似乎係另一種既電腦語言,我都未見過, 
憑住我既努力,都係分析到1成左右,依家你可以再睇下段片。」 


miki double click 個avi檔案, 
睇到既再唔係一陣藍同一陣白既畫面,而係一d雪花咁既圖案,但勉強見到一d線條。 
聽到既聲唔再係lag機疾下疾下既聲,而係一把中性既聲音。 




但講緊既語言我聽唔明係咩,而每一句既尾音都好長,長達三秒左右。 
我望向miki同肥康 打算問係d咩黎 但佢地都搖搖頭表示都唔知道。
「街市仔,我知你同一個語言學既prof好熟,你試下將段片交比佢,睇下整唔整理到頭緒」 
面對住突如奇來的怪事,我心頭泛起一陣興奮。 
「ok,無問題,有消息再通知你」 
「好,我同miki小姐會再努力去破解d file,有消息再電聯」 
於是我同肥康各自去做自己既野...