「wow真係有驚無險又到七點」我抹左一額冷汗,手心都因過份緊張而出左d汗
「哈哈,真係刺激,都話我一直想咁玩一次」呀力露出滿足既笑容
「下次咪再搞,心血少d都嚇死」
「大隻康,我地番緊黎,你幫手將三房一廳既鏡頭影相用四部腦分別開啟,而頭先影到既日記相你都幫手整理一下,一陣我同街市仔番到黎再一齊慢慢睇」
番到去學校 department專用基地果度
見到無啦啦多左幾張櫈,仲有幾張枱係度,枱上面又放左幾個吉野家外賣袋係度
「嘩!肥康你搞乜春黎呀?」一睇就知係肥康傑作
「我係教學大樓果邊搬左幾張野過黎姐,頭先見肚餓咪出左去吉野家買野食囉」
miki 原來都一早醒左
「係呀,我見我都有d餓,咪叫呀康幫我順便買埋野食姐,哈哈」




我只係覺得乜野都做哂,好攰...我一野跳左上去櫈果度坐低
呀力亦都根住坐左係隔離
肥康拎住枝牙籤撩一撩隻牙,指住前面既四個mon
「條友睇落正正常常冇乜野,唔多似玩緊歷史控制器喎」
就等我地以為冇乜異樣既時候,客廳果邊傳黎一d門鈴聲
「唉吔!最衰唔記得裝埋專業偷聽器,如果用鏡頭果個mic應該收唔到d乜野聲番黎」呀力敲一敲自己個腦
更意想唔到既就係,當呀樂開門,我地見到既係我地相熟既人...
入左屋果個人就係suki...係鏡頭我地睇得好清楚






suki好似同呀樂好熟咁係度傾計,可惜我地唔係好聽到佢地傾緊d乜野
唔知點解內心又有種不安,點解suki會同呀樂一齊既?
suki入左屋之後就坐在係客廳既梳化果度,而呀樂好似冇理suki就咁就番左入房。
「呀suki佢究竟同呀樂咩關係呢,做咩呀樂放完佢入黎又唔鬼理人既」呀力望住客廳果邊既suki
過左冇幾耐,suki就起左身,就走左去廚房整野食,呢個廚房唔係獨立既,而係開放式,即係係個廳可以睇到d人煮野,呢個設計應該係比d人一路煮野可以以一路同人傾計。
suki煮好一個炒飯,就走左去敲呀樂間房
呀樂打開門之後 suki亦都走左入房,呀樂望左望碟飯然後放左係張電腦枱上面,之後拉左suki坐左係床上面
「佢地係咪情侶呀?唔通佢地同居緊?」突然覺得肥康把聲好撚心煩
佢地兩個好似傾緊d野,但礙於儀器問題我地都係聽唔清楚佢地講緊咩內容
突然,呀樂企左起身,一巴就扯落suki果度




「啊! 條仆街打我女神,屌你老母呀!」我嬲到即刻企左起身,想話趕去拯救女神。
但係呀力同肥康立刻拉住我「街市仔,唔好衝動,睇定先啦不如」
仆街,你地兩條蛋散睇到女神比人打仲可以食花生既?我真係唔撚忍到喇
但我都比佢地拉住坐番低
女神suki仲右手禁住佢既右邊面,垂低個頭一聲不發,而呀樂望左佢兩眼就轉身出左房,而且出埋門口,到底佢去邊?點解要打suki?佢地係咩關係?
我地四個面上都各自顯示唔同既表情,我地都覺得呢件事唔再簡單...