電腦無啦啦多左d唔知咩既檔案係度(上): 第二十八節

一陣涼風拂面迎來，空氣是無比的清新，
輕輕吸左啖就令我彷如置身係大自然既感覺
只覺渾身輕浮，整個人癱軟係泥地上
纏綿不斷的燕語鶯聲，鳥鳴啁啾使我緩緩睜大雙眼
當我甦醒過來既時候，個頭唔小心壓到粒石仔
「唉吔!」我慘叫左一聲
咪住，做乜撚咁好詩情畫意，玩親親大自然?
我立即彈起身黎，環視四周，一縷清風又迎面而至，周邊既樹葉隨風擺動
樹影重重，我頭先就係訓係一堆翠綠植物既上面
無錯，我依家就係座山入面…




植物既顏色好健康，而且天氣亦都幾涼爽，我身穿既黑色長褸岩岩好夠保暖
定過神之後，我認為應該要更加了解呢個地形，到底呢度係邊度黎呢?點解我會訓左係呢度?
我不斷往高處爬，但由於呢座山無一條人工既山路，我諗呢座山應該冇乜人攀登過，但仗住學過幾分太極拳既身手，好快搵到一個能夠睇清遠方既立足點，我舉目眺望，只見下面係一條唔知係湖定係江既野，目測距離我諗都好幾百米
天空萬里無雲，碧空如洗，絕對係香港無可能見到既蔚藍天空…
如此奇偉壯闊既景象確實令人睇到入哂迷


「仆你個街丫，大佬黎玩時空轉移咩?!我記得我之前…」我嘗試回憶起訓低之前既影象
我記得係暈低之前，同呀樂開片，打左唔知七七四十個回合之後，我…
依稀記得我好似del左一堆file，然後就暈低左喇




根住到底發生咩事呢?係我無左意識之後，呀樂係咪消失左?其他人又發生咩事呢?我究竟del左d乜野，對現實又做成左咩既摧毀破壞呢?
我望下自己手臂同埋檢查下身體，瘀傷仲係度，而且額頭傳黎既疼痛依舊並未散去。姐係訓低之前既我的確係比呀樂打傷…
我用兩隻手出黎掌刮左自己塊面幾野
「依家諗咩都冇用，依家應該搵人先…」
正如先前所講，呢座山我諗真係冇乜人會黎行，所以要搵到條路落去都有d難，只要一個唔覺意，好可能就會跌鬼左落山，咁就命喪於此
係一d比較斜既路上面，我選擇微屈曲身體，慢慢咁滑落，我係長褸入面拎左枝萬用刀出黎，一步一步插落泥石裏面穩定自己…
「真係好撚好彩!如果唔係呀力比左呢d野我，我呢家真係唔知點算」
但呀力唔係消失左咩?點解佢比我既野做係度?唔通因為我係author所以比左我既野又唔會改變?...
我諗過左一兩個鐘，感覺上都唔係行落左好多
我黎到山腰既一個小瀑布下面稍作休息




「啊，好酣甜呀，呢d咪正宗山水囉，一日到黑飲埋d東江水，味覺都退化左幾級呀」晶瑩既淙淙山水一口又一口咁，係我喉嚨骨碌骨碌流過。
咁痛快既暢飲，真係第一次，大佬呢d只不過係水黎咋喎
再回望番個小瀑布，我有d體味到李白講既飛流直下三千呎既澎拜
如果可以係度隱居，可能都係一大快事，城市太嘈喇，但唔知有咩食就係問題呢
呢個時候，係耳邊一陣又一陣既嗚嗚聲
我頓即警醒三分，係呢d咁既荒山野嶺，有野豬，有d咩猛獸都唔出奇，我即時屏住呼吸，將注意都放係耳同眼…
我一路退後一路靠到一棟樹隔離，草叢突然一有動靜，我即刻爬左上樹上面，同時一個黑影用極高速接近我
好彩我細細個成日係公園玩爬樹姐…
「嘩!你老母，呢隻係…」
呢隻野生動物身上佈滿實心圓既斑點，一d贅肉都冇既強壯體態，仲有一雙短小圓耳…
屌你老母，呢隻唔撚係豹係乜撚野!!!