電腦無啦啦多左d唔知咩既檔案係度(上): 第三十節

落左山之後，亦唔代表就見到咩村落，又見唔到咩城市鄉鎮，但起碼望到遠方有架電纜，咁應該果邊就有馬路
雖然落左山係平路，但亦都好多石仔路，沿住條唔知江定河行，勉強行到人
行左一個幾鐘，約莫六、七公里之後，眼光頓時放開哂，一片遼闊既土地，馬路兩旁有d種左植物既田地…大概係小麥田黎，雖然我唔係好清楚係咪
有人種野即係代表有人啦!我二話不說就跑左落去
田隔離有幾間相連既小木屋，睇黎係簡單既人手搭建，咁簡陋既屋我都係第一次見，屋詹係鐵皮鋪住木塊既設計，一條條木條嵌埋一齊既屋。窗戶內有塊布遮住，係出面睇唔到入面有冇人。
我輕輕敲門，等左一陣，終於有回應…
開面係一個上左年紀，滿面皺紋既駝背老婦
佢用果隻痴埋到差唔多成條線既眼望一望我
仆街喇，我唔識講藏語嫁喎，點撚算?
不過好彩，呢個呀婆開口就係講普通話「啥事啊?你是什麼人」




我唯有操住幾分爛既普通話同佢講
「嘛!這個拿，我就是來旅遊的遊客，不知道為什麼喇，我一個人走著走著就迷路了，之後又不小心跌到爛額焦頭，現在已經餓了一日…」我是但吹左一個藉口
「來討飯吃的嘛，咱們有幾個吃剩的地瓜，你要不?不要就沒什麼喇」老婦已經轉過身去
一聽到有野食，我口水都直流，仲邊理得佢地乜春瓜，有野食就得啦
「不礙事不礙事!」我即刻府首揖恭…
「不要站在那裏說話喇，進來坐一下吧」老婦帶點沙啞的嗓子說道
屋裏面傢私都好簡陋，好多木製品，我搵左張木椅坐低
「婆婆是外鄉人嗎?」我隨口問
「我是湖南人，來了西藏差不多二十多年」老婦人已經搬左一碟蕃薯黎到我面前，蕃薯已經凍左好耐，睇黎真係食剩左既，我懷疑仲係隔夜既添
「老婆婆呀，如果沒遇見你我就真的要餓死了」我已經狼吞虎嚥起黎，我真係理得佢係咪隔夜




「對了，這裡是西藏的什麼地方?」我舔住我隻手指，連沾上指頭既蕃薯渣都唔放過
「這裡是崗堆鎮的附近，這裡沒什麼人住，十幾公里也就這麼住得好幾家人」老婦有d口齒不清咁講呢一句野
岡堆鎮?邊撚到呀，del file del到去撚左d奇奇怪怪既地方都有
「由這裡到拉薩要走多久?」係呢d咁既地方真係乜都搞唔到，有咩起碼番到香港先搞得掂，拉薩可以話係最多遊客會去既地方，係果度搞乜野都易好多，我摸摸褲袋，睇下銀包，唉得幾舊水，都唔知夠唔夠番到去…唔理喇，最緊要番到出去，最多同公安講我比人打荷包，應該總有辦法番到去香港掛
「從這裡走?哈哈，年輕人，等會兒我的兒子歸來，再叫他明天送你出去吧，反正他有車子，每星期他都會去拉薩一次，剛好明天他就要去」
「噢!真是感恩，真的謝謝你」我連忙對呢位呀婆不斷哈腰點頭
「當真是一說曹操，曹操就到」
進門的是一個約莫三十歲既人，皮膚黝黑，雙眼好有神，一睇就知做開粗重工夫仲可能係好揪得既人
「媽啊，這是誰呀?」呢位大叔問道
「我叫街市仔，一個人旅遊中途迷路，希望有好心人可以載我到拉薩」




呢位大叔望左望我兩眼
「我看你不太像偷呃拐騙，我明天就帶你走，好吧?」呢位大叔好好客，又清理左一個用黎放柴既房比我住宿一晚，係呢一日真係體驗到人情冷暖，係香港，睇下d路宿者，真係有d耶教兄弟姊妹寧願唱歌報佳音都唔會上前慰問下d路宿者。