電腦無啦啦多左d唔知咩既檔案係度(上): 第四十三節
既然係咁，我就將兵力留住，慢慢引日軍黎西南呢邊，用時間換取空間…只要佢進入左中國腹地，咁佢就泥足深陷喇…
「我想放棄左一d無謂既守衛，直接將d兵力集中係西南邊，只要令日軍入到黎，佢就必輸無疑…呀樂佢一定冇努力讀歷史，以為有本書睇兩睇就可以揪低我?唔係咁開玩笑掛…」
肥康聽到我既指示之後，立即就進行修改
可能係我呢個修改裏面，外邊已經有天翻地覆既變化，但係我已經盡量將佢減少到冇…
當修改完成完後，lapallo由原本不斷升突然停左一停
…
「唔通呀樂知道左我地係到阻住佢改野?」suki問道
「我諗係喇…我都唔知佢根住會做d咩…」我個腦開始有d攰
Miki係呢個時候，斟左d咖啡比我地幾個
「加油我，我知冇咩可以幫到你地，但我會萬二分地支持你地」光頭miik單左一下眼
不過真係好唔慣，明明光頭miki應該係女喇嘛，依家又變番miki，真係好撚亂…
「唔該哂呀」suki向miki道謝
呀力同我都伸一伸懶腰，繼續監視呀樂既一舉一動
「弊喇! Lapallo 數字係咁升..仲升得好快」肥康拍枱大叫
「呀樂又玩邊科呀…你老母」我望住lapallo既數字不斷上升
呀力已經衝番埋位，追蹤緊呀樂既修改
「大件事!呀樂佢真係short左，唔知痴左邊條筋，佢唔再改二戰歷史，佢改左一個月前既歷史…」第一次呀力面容有扭曲既樣，雖然仲係好chok
「呀樂佢set令所有國家國防電腦出現故障，向住全世界射核彈」呀力都忍唔住走音…
「點算好呀?」我地全部人都忍唔住問
…
呢一刻我不禁諗起倉央既預言
「歷史完結之時，世界會充滿苦難，所有人會一瞬間被岩漿所吞噬，係無間地獄裏面燃燒…」
「呢個咪就係倉央既預言?!歷史將會完結…」我驚呼
全部人都怔左一怔…
肥康唔知點解好淡定
「你頭先唔係話過lapallo 將我地帶到黎呢度，預言果段片就消失左既咩?咁即係話，我地有能力阻止到呢場浩劫!所以lapallo先會將我地送黎呢個時間…」
我諗落呢番說話係有道理，但係…應該點做好呢?我個腦好似塞住左咁樣
「如果咁樣有冇得翻改?應該唔係個人意識喎…應該冇咩矛唔矛之類既rule」我亂咁提出一個方法
「我試左喇，係唔得嫁!」呀力秒殺左我
「仲有三分鐘…」肥康已經抱頭一副認輸既慘樣
我望到呢個情景，我行左出肥康門口…
我抬頭望住個天…上帝講過話唔會再殲滅地上既人，唔會再用洪水黎清洗我地，點解…點解上帝唔肯做野…地球上咁多苦難，唔通你要接我地番天國?...
我望住個熾熱既太陽…係幾咁溫暖…但係
咦!咪住
「太陽? 」我瞬間好似諗到d野
科學家好似話黎緊會有太陽黑子風暴，佢形容會對地球既磁場造成影響，嚴重既時候會對電子產品或者電器造成破壞…
如果…我可以將佢提前進行既話
我立即衝番入去肥康間屋
「太陽黑子風暴!!!!」我將我諗到既term 彈左出黎
肥康同呀力好似即刻明我想講咩，已經著手行動，但suki同miki好明顯唔知我講呢句野既目的係咩…
「仲有十秒!!!!」肥康大叫
肥康同呀力兩隻手好似裝左摩打咁樣，飛快地敲打住鍵盤
我見識到咩叫做真正打字快既速度，已經唔可以用快黎形容…兩個人就好似抽左筋咁樣競速
突然，燈光一熄哂，房裏面黑哂，電腦亦都熄埋機…
呀力好醒目，就刻就過去光頭miki果度
「一個月之前發生左咩事…」呀力問miki
Miki好似呆左一呆
「唔係電器壞哂咩!叫我黎唔係試自製發電機咩?」
「電器壞哂?咩事?」
「上個月太陽黑子風暴，一瞬間世界8成電器壞左.，幾乎絕大份電腦都唔用得，要重新買過，呢個月黎，好多科學家都係度研究新既電器，政府都話每個人可以得到一萬蚊幫助市民添置番呢d新電器」miki見我地咁無知好似有d驚訝
跟住miki係側邊就開著佢車仔上便果部小型發電機，插左入電腦裏面
我、肥康、suki同呀力互望左一眼…
「yeah!啊!!!~~~~~~~」我地足足歡呼左成幾分鐘
「亦即係話，核彈並無發射?」我試問
「我諗應該係喇」呀力面上再一次展露溝死女既笑容
「你地咁開心做咩，你地部電腦睇黎d hdd全部都死哂，motherboard都廢哂，個火牛可能仲用得既…」miki 用奇怪既目光望住我地
「咁好有可能呀樂部機都廢埋…」我同肥康互相擊左一下掌
如果係咁既話…呀樂手頭已經冇左lapallo
我地全部人都再冇呢堆咁奇怪既file…..
過左呢一日之後，我地再去搵呀樂，但呀樂就好似失左蹤咁，佢再冇出現過…無人知佢去左邊，呢個人已經痴左線，可能懲罰一早已經降臨係佢身上
係呢個嶄新既世界，睇黎要好好適應番一排…因為好多電器都唔用得，唔知道高登仲係唔係度呢?過完一個毒撚寒假，最後連高登冇得上，都幾失落…
丫唔係喎，我仲有呀suki女神，唔洗做番毒撚…
事情再過左幾日之後，我地各自都將心神安寧番之後，我地約左出黎打邊爐，本來想bbq，但肥康話唔想學tvb咁樣，大結局happy ending就bbq，起碼都打下邊爐咁喎
係食緊肥牛當中，我地傾番其實仲有一個問題係未解決
到底點解我會出現呢堆file既呢?
肥康解釋話有可能係我地失憶之先，呀力同肥康夾手夾腳將個lapalloedit檔案偽裝成一幅圖，放左係我部電腦，可能當lapallo數字過份增加時，我部電腦就自動sense到就自己解壓，至於點解可以唔比呀樂發現呢，呀力就有呢釋解釋
「其實你睇到txt檔果度有好多大事，同重要既人物，呢d咁重要既人物同埋事佢地既敍述同埋歷史係比較詳細，而我地呢d 小蕃薯就只有一兩行描述，如果我地係一分鐘裏面做好多野，lapallo可能只會簡略咁寫個重點出黎，當我地加密再壓成一幅相既時候，可能lapallo只係寫我地整左幅圖擺左係你部電腦入面」
聽完呢番說話之後，我呷一杯茶，啃一口肥牛，慢慢品嘗呢隻牛經歷左咁多野既味道… 好似食到d眼淚..望住睇唔透既綠茶，我都係決定叫杯青島….
《電腦無啦啦多左d唔知咩既檔案(上) 》完