SandBoss: 序章－遊戲開始

是咁的，相信呢三隻字都係專登討論區成日用黎開場既說話，我呢叫仇雲海，不過即使我個姓氏唔係讀仇恨個仇字，我都係幾鍾意用呢個字做網名，即係仇魂，身邊既人都叫我愁雲兄、愁雲兄咁，真係幾有江湖味。
簡單介紹完自己之後，都係時候完結呢一篇文章，因為我正打算為自己既人生劃上句號，我今年24歲，無讀大學，一中學畢業就走左去做社交媒體呢一行，當然，有工返自然都溝到女，不過呢一刻我都係有想死既念頭，因為今日係我成為三失青年既日子。
三失，分別係失業、失戀，仲有失蹤，失業就因為我上司陷害我，搞到我身敗名裂，而佢自己就逍遙法外，件事搞到咁大，我女朋友自然都離開左我，都好既，我唔想累人累物。
至於失蹤，係講緊我既家人，我有除左雙親之外仲有一個細妹，不過佢地已經失蹤左一日，我警又未報得，三重打擊之下，我先有食安眠藥自殺既決定，好啦，講到呢到先......
------------------------------------------------------------------------
突然手機響，係龍于風搵我，佢係我由小學識到大既老死。

「衰仔風，搵我做咩？」雖然我呢一刻決定尋死，不過既然佢打比我，我都係交代啲身後事比佢，反正人死帶唔走啲錢。
風：「正呀！你記唔記得我地十年前一齊玩過一隻叫《SandBoss》既Online Game？」
我：「記得呀，不過好可惜執左啦，做咩呀？有代理公司想拎佢黎呃大家錢咩？」




風：「傻啦，隻Game咁耐以黎都係得果間代理，而果間代理係呢隻Game營運結束之時都收左皮，咁耐以黎我一直搵唔到私服，如今終於搵到，仲有返我地之前既遊戲帳號紀錄添！」
我：「咩話！你講真？有私服之餘仲可以on返以前既ac咁好？」《SandBoss》係我呢一生人之中玩過最難忘既沙盒遊戲，佢世界觀真係好大，或者我想玩完先死，唔係，應該話打住機咁死。
風：「珍珠都無咁真啦，總之你跟住我Skype send比你既懶人包去做就玩到架啦，我都係無聊check e-mail先發現啲咁正既野！」
唔洗佢多講，我已經馬上跟住佢既步驟去做，希望可以可以借呢隻Game麻醉自己，目的就係死係遊戲之中，不過我始終都係會有好奇心。
我：「e-mail？咁係邊個send比你，仲有呢，佢連接去既IP位置都幾怪下，到底邊個開私服架？」
風：「我都唔知，佢寄件者果到寫住"Unknown"，唔好理啦，有得玩返咪得，我岩岩登入左啦，等你，照舊老地方等啦，到時再用語音傾啦，拜拜～」

衰仔風講得岩，有得玩返已經好好，仲有返自己舊時既紀錄，反正我都打算玩住咁死，比人從中偷資料又有咩所謂......
----------------------------------------------------------------------岩岩開主程式，發現佢已經無得比人註冊帳號，睇黎唔記得左帳號既人都無得回味下咁，好彩我咁多年黎都係用同一組既帳密，所以我當然登入成功啦，一開Game已經見到我個聖騎士角色，點解我會想做聖騎士？主要原因係我現實生活太失敗，無咩技能，除左打字快就無樣野叻，成日比人蝦，所以我希望係遊戲世界入面成為大家既盾牌，獨當一面咁守護身邊既隊友。
好懷念既背景音樂，仲有景色，不過都係一陣先慢慢回味啦，約左衰仔風都係要返去起始之村同佢會合，好彩我以前買左勁多點，有唔少坐騎，隨便揀隻衝返去同其他玩家曬下都好～




可惡！唔知點解突然個心好痛，頭又開始暈，周圍都慢慢變得好黑，明明我未食安眠藥，點解會咁......

待續。