短篇劇本《少女藏刀》: (四)

第四場

地點： 萬家客廳
人物： 萬佳宜，萬佳成，萬忠仁，馬意文，李慈

▲萬忠仁穿對拖鞋、李慈企係門口附近

萬忠仁： 阿媽，出面好凍wor，行番屋企遠呀，帶多條頸巾啦
李慈： 唔駛唔駛，行啦
萬忠仁： 咁行啦



△萬佳宜坐在沙發睇電視，側頭望住李慈

萬佳宜： 嫲嫲拜拜！
李慈： 嗯，拜拜

△ 李慈先出門口，萬忠仁其後，順手關埋門
△ 萬佳成從門隙見住兩個人出左門口，馬意文執緊飯枱，拎碗碟入廚房 ，萬佳宜坐左係沙發睇電視
▲ 過多幾秒，萬佳成行出房，拎住張相，行近萬佳宜身邊，企左係度，比幅相萬佳宜睇



萬佳成： 你睇下你個好老公、好朋友…

△ 萬佳宜先向上望萬佳成，再低頭望住張相
▲ 睇真d之後，好驚訝，搶左張相再睇清楚，開始激動起來

萬佳宜： 點解會有張咁既相嫁！！你係邊度得番黎嫁！！佢兩個做乜野呀！！！點解會咁嫁！！佢兩個做乜會攬埋一齊嫁

△ 萬佳宜越講越大聲，開始喊，引起左馬意文既注意
▲ 馬意文行出廚房，睇到萬佳宜係度喊



馬意文： 做咩事呀阿女？ 萬佳成！

△ 同時間馬意文見到萬佳宜拎住張相，驟眼一望，已經認出兩位主角，搶張相過來睇，意識到張相係萬佳成拎出黎，啤住萬佳成

馬意文： 呢幅咩相黎嫁，你又想點呀？
萬佳成： 幅相我上網睇到嫁，你既好女婿去偷食呀！！仲唔熟唔食呀！
馬意文： 你依家係咪報仇呀！！ 我知，我知你不嬲都唔抵得我地錫阿宜唔錫你，所以你就特登整幅咁既相黎報復！！ 阿宜唔係你親細妹o者，你都唔駛咁玩佢呀？

△ 馬意文越講越激動，用力握住張相，丟向萬佳成

馬意文： 佢結婚你先黎搞破壞，你係咪想佢地結唔成婚呀！！下！！

△ 馬意文一手推開萬佳成

萬佳成： 我冇呀！ 你信又好唔信又好，總之張相我真係上網睇到，我唔想你地比人呃左都唔知發生咩事呀！



▲說罷，萬佳成沖番入房

△萬佳宜喊到收唔到聲，馬意文攬住佢

萬佳宜：阿媽….依家點算呀，佢地兩個搞…嗚…

△馬意文一邊攬住萬佳宜，一邊安慰佢拍拍佢背脊

馬意文：無事既，無事既，我聽日去問清楚

△馬意文眼尾望下張相，不感嘆一口氣
△張相係地下，鏡頭影住張相，停2秒