短篇劇本《少女藏刀》: (十三)

第十三場
 
地點： 銅鑼灣街頭
人物： 萬佳宜，阿森
 
△返回現在，阿森相約萬佳宜解釋張相既野，阿森早到，好緊張咁左望右望，直至見到萬佳宜係遠處行緊過黎，即刻上前迎接
△鏡頭一轉，影住佢地面對面坐…兩個都唔出聲
△萬佳宜低頭等阿森開聲解釋，阿森淆淆地，眼望下萬佳宜，望左幾次，終於吸一啖氣開聲講
 
阿森： 伯母冇事呀嗎？


萬佳宜： 冇事
阿森： 嗯…
 
△過幾秒…
 
萬佳宜： 張相你點解釋？
阿森： 唔係呀，我唔想嫁…好對唔住，張相既事我唔知點解釋，我淨係記得果晚好唔開心，飲到斷曬片，果日你又出左trip，我約左幾個舊同學，咁小君都有份，點知飲下飲下個個都走，淨低我同小君兩個，之後既事我都冇印象啦…阿宜我求你比次機會我啦
 

• 阿森握住萬佳宜雙手，望住萬佳宜

 


阿森： 我地都就結婚，呢幾年我好鍚你你知嫁，連行街我都唔敢望其他女仔一眼，我對你係真心，只係一時酒後糊塗，我應承你…我以後！以後都唔會做傷害你既事…
 

• 萬佳宜望番住阿森，眼神有點疑惑及憐憫，覺得阿森對自己確實唔錯，認為女人可以接受男人肉體上出軌…

 
阿森： 張相件事就當粉筆紙抹左佢，我地專心搞好個婚禮！！ 之後再生個bb，我地上次傾好呢，生仔就叫阿傑，生女就叫阿婷，你話好唔好呀？
 

• 萬佳宜用鼻呼左一啖短氣

 
萬佳宜： 哼！ 你過左我阿媽果關先講，你要哄番佢呀！ 婚禮個powerpoint呀，我仲未整好呀！！！今晚番去仲要整，我唔理，到時接新娘果時我叫d姐妹玩殘你！！！
 

• 阿森重現笑容

 
阿森：我抵罰既！！老婆大人