短篇劇本《少女藏刀》: (十六)

第十六場
地點： 宴會廳
人物： 萬佳宜，萬忠仁，馬意文，阿森，小君，李慈，律師
 
△婚禮背景音樂播出，新郎新娘一齊慢慢行出黎，台下親朋好友拍手
△新郎新娘走近香檳塔，一齊倒酒，一切都來得好甜蜜，其他人，包括小君係台下都拍手祝賀
△跟住律師出場証婚
 
律師： 兩位新人，係你地兩位結為夫婦之前，本人係職責上要同你地聲明，呢個係莊嚴而有約束力的婚禮，法律上係一男一女自願終身結合，不容別人介入，因此，依家你地係本人面前當眾舉行婚禮，雖然沒有宗教儀式舉行，但你地在本人及在場眾人之前簽名為證後，就成為一對合法夫妻，請新郎讀出誓詞
 


△阿森及萬佳宜從律師手上拿到誓詞卡紙
 
△阿森甜蜜地一邊笑一邊讀出誓詞
 
阿森：我請在場各人見證，我 ，陳世森，願以你 萬佳宜為合法妻子
 
△阿森說罷，微笑，凝望住萬佳宜，等待萬佳宜讀出誓詞
 
△相反，萬佳宜表情凝重，木無表情



萬佳宜：我請在場各人見證，我，萬佳宜，願以你陳世森為我合法丈夫
律師：好啦，咁依個時候新郎可以錫新娘子啦
 
△阿森行前，揭開萬佳宜頭紗，仍然保持笑容
△萬佳宜嘴角微翹，奸笑．．．
△阿森與萬佳宜親吻，背景音樂響起
△powerpoint隨之播放，頭一張係兩個人的童年照，頭二張係兩人的中學合照，台下觀眾嘻鬧喧嘩
△但第三張一播出，台下觀眾靜曬，音樂變得更大聲
△第三張相正是小君同阿森既裸照，阿森同萬佳宜仍然親吻緊
△本身談論緊既台下觀眾，頓時停止所有動作


△所有野開始變做慢動作
△鏡頭影住萬忠仁＋馬意文，萬忠仁嬲到爆，馬意文嚇呆左，黎唔切反應
△鏡頭轉影萬忠仁身旁既李慈，李慈心臟病發，拿左個心，呼吸困難
△萬忠仁＋馬意文見狀，用口形講：阿媽．．．阿媽．．．
△鏡頭轉影小君，小君嚇到個身不停既震，處於極度驚慌，驚到喊唔出，只係望住幅相
△阿森與萬佳宜仍然親吻，萬佳宜呢個時候用眼角啤住小君，一副勝利者既姿態
△背景音樂去到最激昂既部份！鏡頭來回影住小君、萬佳宜、小君、萬佳宜、小君、萬佳宜、小君、萬佳宜．．跟住影住萬佳成拎住部DV拍緊
△最後鏡頭一黑，小君大叫