一個書生既Player故事: 三

小息果陣，我將今日既借筆事件講俾格離班既肥傑知。

肥傑全名張俊傑，乃一名有肉地既死肥仔，同我一樣無拍過拖，係日日同我戇鳩鳩玩爆菊既老死。佢無殺傷力既外表加埋風趣幽默既性格，令佢人緣好好，識好多人。

「D女仔係咁低能嫁啦，惡少少都話你無禮貌。」肥傑用一副專家既口吻俾意見我：「你去小食部買D零食去哄下佢，Say個Sorry就冇事啦。」

「下？咁都要同佢Say Sorry。」我唔覺得我做錯左D乜。

「同女仔係冇道理可以講！鬼叫你係男仔咩。」我都係多你一條Jer姐，我理解唔到點解男女要咁不平等。男女平等就係對女仔有著數既時候先出現既字，永遠做野蝕底既都係男仔囉。作為男女平等下受到負面影響既持份者，我極力反對呢個偽善既觀念繼續發展落去。



「係真唔係呀。。。」口裡說不，半信半疑既我都走左去小食部買左盒佢最愛既冰紅茶。

小息完左返到課室坐底，林敏兒呢個小氣女仔仲係嬲緊唔理我。

我懶晒型咁將盒冰紅茶掟係佢枱面：「喂，請你飲。」

林敏兒見到盒冰紅茶即刻兩眼發光，笑到四萬咁口：「你點知我鐘意飲冰紅茶嫁？」

「唔知嫁，我是但買嫁咋。」咁係因為朕已經留意左你好耐啦，蠢。



「我真係好鐘意飲冰紅茶嫁！」呢句說話講得大聲左少少。好誇張，有無咁鐘意呀？

「拿，我請左你飲冰紅茶，你唔準再嬲我，唔準唔應我。」我提出呢個等價交換既條件。

「嗯，多謝。」望到佢開心既樣，我覺得呢4蚊俾得好抵呀（普通紙包飲品係賣$3.5，唯獨是冰果隻係琅$4蚊）。順帶一提，當年我一日既零用係得10蚊。買孖條就2蚊，魚仔餅就5蚊。

經過呢日之後，我風雨不改，每朝早都會買一盒冰紅茶放向佢櫃桶入面，我好樂於付出呢4蚊為搏紅顏一笑，佢應該都會對每朝早櫃桶有林書生買既冰紅茶而有所期待？

呢樣野成為左我同佢之間既秘密。一個只屬於我們既秘密。



而隨住冰紅茶既攻勢，林敏兒都對我放下戒心，我地每日都談笑風生，關係親近左好多。