一個書生既Player故事: 四十六
沒有任何短訊，
沒有任何電話，
沒有任何交代，
對我所有示好都無動於衷，
就如人間蒸發一樣。
若妳親口跟我說一聲分手，對我的心致命一擊，打消我無謂的希望就好了。
但是妳沒有。
妳選擇了消失。
留下我一個人胡思亂想和傷心。
這就是妳口中的愛嗎？愛一個人原來是這樣？
我搞不懂林敏兒為什麼可以對我如此狠心。
這一年多的愛情，不，是對待一個普通朋友的交情也不至如廝地步吧。
地位就如狗一樣的林書生，還有什麼可比你更可憐？
王家欣：【Confirmed. 敏敏同何諾軒正式一齊左啦。】
我：【o.】
我需要D時間冷靜下。
呢兩個禮拜我都過得好頹好唔開心。
我日日放學就一支箭走左。
我需要運動去處理好自己既情緒。
有時會去跑步，有時會自己一個係球場打籃球，當D街場人透明。
返屋企，我連J都無心情打，日日11點就上床訓覺，生活健康到一個點。。。
好快，又到左十二月中。
「書生，聖誕節有咩搞呀？諗住約林敏兒去邊？」食Lunch果陣，陳詩詩問我。
「唔好再講佢啦。我地散左。」我答佢。知情既肥傑同王家欣同我對望左一眼。
「下？幾時既事。」陳詩詩問。
「都成個月啦。」
「點解分手呀？」
「我飛佢嫁。佢日日掛住讀書唔理我，脾氣又差，又貪名牌，我忍左佢好耐啦。」我唔想人知道我係咁慘，講左個大話。
「而家不知幾正，放學又唔洗等佢接佢。」
「乜你咁講佢嫁。。我覺得林敏兒都唔係你講到咁差姐。。快D哄返人啦。」陳詩詩話。唉，你知D咩呀，我夠想哄，但我邊度有選擇既權利？
「夠啦陳詩詩。唔好咁八啦。」羅嘉樂好醒目咁叫陳詩詩收聲。我無講過成件事俾佢知，不過佢都估到事有蹺蹺。
「Sor 呀書生，我都係多口問下。」陳詩詩話。
「唔緊要。」
聖誕節我、肥傑、王家欣、羅嘉樂同陳詩詩呢個組合約左去CEO唱K。
唔失戀都留意唔到，香港既歌手原來係唱咁多兵歌失戀歌。
一首一首歌過去。我都好沉默，係度睇歌詞，沉思。
「明天一覺睡醒 會是怎麼的情形
從來沒感覺到 是這心境
無論冷與暖也不起勁
很想放聲 很想痛哭
在這世界裡我最孤獨
那天空多廣闊 圍著我的
是滿載回憶的空屋」
關心妍－－負擔不起
「全靠當天喜歡過 錯的人
今天先會 自我解窘
明白小小的失戀 不害人
更加添我 成熟感」
Twins－－多謝失戀
「二百年後在一起
應該不怕旁人不服氣
團圓或者晚了廿個十年 仍然未捨棄」
側田－－命硬
「 還可以 纏繞你 幾公里 難為我 容忍我 都是你
捱夠未 捱夠未 一路自虐至死 仍不肯放低你
從今起 離開你 幾千里 行兩步 捱兩步」
梁漢文－－八里公路
我覺得小肥呢首《寵物》簡直係我既寫照。。。
容許我成首歌Quote落黎。。。
「夜了要是妳寒冷 新的攬枕攬不慣
仍不想見我共相差距離無關
就背向我不用麻煩 是你早拋低一千多晚
叫我忍痛放棄 實太困難
被你抱住那時間 真的擔心有今晚
明知生厭以後 火花會沖淡
沒法與你細說夢幻 只有靜靜遙望天慨嘆
最愛偷看妳發夢 除去你孤單
淪為行過寵物 貓狗了解我的悽慘
失寵後不往後退 妳挑選了誰跟妳一起玩
前來迎接災難 慾望無限福氣有限 曾陪伴妳闖過人生險關
於畢業禮共妳興奮合照 不過也始終不夠時間
是你已另有伴侶 不想天真對不對
和他溫暖午睡 躲於被窩裡
害怕變了妳倆負累 不夠地位無奈早撤退
我最好永遠困在 垃圾廢紙堆
淪為行過寵物 貓狗了解我的悽慘
失寵後不往後退 妳挑選了誰跟妳一起玩
前來迎接災難 慾望無限福氣有限 曾陪伴妳闖過人生險關
於畢業禮共妳興奮合照 不過也始終不夠時間
凝望已遺忘的一雙眼 可掛念從前渡過最寒冬季 我倆同席晚餐
淪為行過寵物 貓狗了解我的悽慘
失寵後不往吠叫 妳都可以和他到處浪漫
前來迎接災難 慾望無限福氣有限 男孩令妳掙扎在不安間
天高地闊受過苦洩盡氣 得我陪伴你不見不散」
好催淚。從來都係覺得聽失戀歌係咁撚sad，每一句歌詞都好似一刀插落心臟度咁痛。作詞人係咪都識得我，寫緊我既故事？
我頂唔順啦，我扮去廁所，其實係去左喊。。。
唉。好辛苦。。。唔好再播呢D歌好唔好。。。
「林書生你去咗屙屎呀？去咁撚耐！」羅嘉樂對住咪大叫。
「吹呀！？」我對住門外既佢地大叫。
抹乾眼淚，出返去唱K，彷彿咩事都無發生過，呢啲好似叫逞強。無辦法，喊都改變唔到事實，俾朋友見到又點，盞晒時間令佢地擔心。男人同失敗者係無喊既權利。呢個可能係我人生少數Man既時刻。
舊年既聖誕節我同林敏兒一齊努力溫緊書。今年既佢，應該同何諾軒過得好sweet好幸福，完全唔會掛住我吧。
【Bb你記得著多件衫唔好凍親】
【林書生 我愛你 早抖】
【Bb muahhhh<3唔準望其他女仔 正係準望我】
［刪除訊息］
［是］
「舊訊息應該刪走 再沒留憑證」。。