一個書生既Player故事: 六十八

返到屋企我攤係床上面，回味岩岩同阿婷搞野既畫面。

同溫梓柔真係完全無得比較，阿婷實在太正完勝。

唉，初初對溫梓柔係有D好感，咩都無考慮過，好隨心拖左佢手就話一齊，到而家我都知我仲未忘記到林敏兒。

對溫梓柔果種咁淡淡既新鮮感，極其量只係好感，同愛完全拉唔上關係。

所以玩一排就已經無晒感覺。我諗，如果唔係有得扑野，應該唔可以玩到幾個月貨仔咁耐。



事實上你都知嫁，第一日見佢已經知佢係個悶撚。

好似溫梓柔咁乖既女仔，邊度會岩我嫁！

要我迫佢變到好淫亂既女仔去滿足我，都唔應該啦，佢根本就唔係咁既人，你會唔會迫個啞既人講野？唔會嫁嘛。


我同阿婷搞左野已經係一個改變唔到既事實。

就算有分手打算都好，我同溫梓柔名義上都係男女朋友，我的確係背叛左佢。



對佢好，我唔好再錯落去，再傷害佢玩弄佢感情。

我要正視呢個問題，同佢講分手。