一個書生既Player故事: 七十五

由旺角搭返屋企既途中，肥傑真心Mode問我： 「林書生，我諗極都唔明，點解你可以咁容易就媾到女。」
 
「明明我已經減撚左肥，點解都仲係媾唔到女神？」肥傑話。
 
「你好葡萄我咩？」我反問。
 
「係嫁。」
 
「正正因為你當正D女係女神，所以就媾唔到女囉。我話你聽啦，只要你當佢係條草，唔鳩理佢，D女自然會痴埋黎嫁啦。」呢個係我從林敏兒、溫梓柔同阿婷身上學返黎。你愈唔Care，反而得到既愈多。呢D咪叫犯賤囉。
 


「瘦田無人耕，耕開有人爭，你俾心機周圍試下，搵到第一個就得嫁啦。」
 
 肥傑一臉迷惘，似懂非懂。
 
「洗乜羨慕呀，識左一日叫老公老婆，都無意思既。咁都算媾到女，認真你就輸了。」羅嘉樂話。
 
「但。。我連呢D女都無喎。。。」肥傑話。
 
我總覺得羅嘉樂同我係同一類型既人。分別係佢睇得穿好多野，但唔會好似我咁沉淪於世俗既慾望入面。
 


係，我認我係沉左船係性慾既花花世界入面走唔到出黎。
 
想STOP咩？
 
每當你有罪惡感既時候，慾望會一次又一次拉你入去做錯事。
 
即使自己都知道呢種價值觀係唔岩，不為世人所接受，但反正都錯左一次，再錯多幾次，有分別咩？
 
白紙劃花左就係花左，破左既處就係破左，返唔到轉頭嫁啦。。。
 


 
【岩岩打完機，而家返緊屋企啦。】送出。
 
我望到羅嘉樂send sms俾陳詩詩報到。
 
如無意外，羅嘉樂呢種穩重又玩得既性格，應該媾到低B妹陳詩詩既。。。
 
 
我又回復返唔禁電話既日子。
 
本身我就唔鐘意用手提電話既人。
 
同埋，都無一個可以令我安定，想24小時都聯絡既人出現。
 
阿，戀愛呢種感覺，離我好遠。


 
點解先得中二就要對愛情死心到一個咁既地步？
 
Please trust love. Please trust yourself. You will be loved.
 
你命中注定既果個人，總會出現的。
 
我就當你係個盪失路既路痴吧。
 
唔好亂咁走呀。
 
你停係度等我過黎就得嫁啦。
 
到時，我會成為一個最好的我，出現係你面前，我會奉獻晒我所有野俾你。
 


等我。