一個書生既Player故事: 七十八

溫書、考試、扑野、溫書、考試、考完、去玩、扑野。
 
又是一個無聊的考試季。
 
以同溫梓柔分手、班際後開始同阿婷既淫亂日子、認識咗Aka呢個「老婆」來整理我呢一個中二。
 
到或係呢一年我進步咗啲咩？面對唔同既女仔，我開始有咗一套獨特既媾女方式，媾女唔係單單外表，技巧一樣好緊要。我認為呢個世界沒有媾唔到既女，只有唔識媾既人。經驗令我得到前所未有既自信，只要你搵到最適合你自己形象既Formula，再搵到對你性格會有興趣既人，臉皮厚少少，最好唔好太有道德既枷鎖，成功率近乎100%。
 
我係咪要繼續咁落去呢？幾時先可以認認真真咁拍下拖，或者有一啲正常少少既男女關係呢？寂寞但又害怕束縛既林書生都係適合永遠單身，做隻無腳既雀仔吧。
 


經歷一年多既時間，王家欣好早就被我不停既拒絕放棄咗。而肥傑都好彩追唔到王家欣，宣告失敗。都好呀，起碼係追佢既過程入面，你仲減埋肥變咗個型仔，點都有野攞得返既。
 
而係考完終期試去踩單車既今日，羅嘉樂同陳詩詩呢對粉紅氣氛既朋友似乎又更進一步。全日都痴住、又餵晒野食、兩條友自拍當正其他人無到咁，睇到我地眼冤。
 
「喂！你兩個拍拖未姐！」我忍唔住問佢地。
 
羅嘉樂傻更更咁笑，拖住陳詩詩話：「係呀～」
 
「終於肯認啦咩，你兩個。」我話。
 


「羅嘉樂好野黎嫁，陳詩詩你對人好啲呀！」我話。
 
「羅嘉樂你就識玩啦。。」由仲係拍唔到拖既肥傑講出口好似特別心酸，佢應該葡萄死咗。
 
遲啲要八下羅嘉樂啲花生先得，到底如何抱得詩詩歸。

中二既戀愛，真係可以一生一世嗎？
 
愈見得多隨便既女仔，我就愈唔夠膽放心去愛，好驚交咗個心出黎就會林敏兒事件重演，加上暫時都未見到一個令我心動朝思暮想既對象，性慾所產生一時三刻既好感好似稱唔上愛，只能說當日天真相信既真愛既林書生已經不再存在。而家既人，有野壞左係換，而唔係去修理。所以點解我地唔可以好似父母果代一樣，初戀就可以恩愛幾十年到老呢。
 


我望住眼神只得對方、充滿愛意既兩人，衷心祝福你地可以一齊好耐好耐，等我都可以重新相信現代既愛情。