一個書生既Player故事: 八十三

返到東堤都已經係凌晨四點幾。
 
睇黎佢地都玩到好High，返到黎已經完場訓晒教。成班人係廳地下（搬咗幾張床鋪墊底）攬住訓晒咁，Barbie同寵兒仲係著住個Bra，都唔知係咪玩完群P，我就無乜興趣加入啦。
 
我同Aka細細聲諗住入房搵床訓教，嘈醒左佢地。
 
「點呀，岩岩玩得開心嗎？」小野問我地。
 
「邊夠你地開心呀。」 我轉移話題：「唔返房訓？仲有幾張床。舒服啲喎。」
 


阿風都俾我嘈醒咗，佢同小野就一齊入咗黎四人房。
 
Aka好快就訓咗，鼻寒咕咕聲，而我則有點酒醒，係一個頭痛又訓唔到既狀態下，攤係床上等待日出既來臨。
 
「你上次做乜唔黎？」小野問阿風。
 
「有野做咪唔黎囉。」阿風回答。
 
「你係咪唔想見到貓貓先唔黎？」
 


「明知故問。」
 
「你係咪好嬲鬼王呀？」
 
「我嬲佢今日就唔會出現啦。」阿風話：「要做既野我都做咗，咁拍拖唔係單方面決定。」
 
「我諗我地成班人好難再齊齊整整咁出現一齊玩Lu。」
 
 「嗯，所以每一個一齊既時候都要珍惜。你永遠唔知幾時會分開。」
 


嘩吊，兩個男人好撚感性Mode，同岩岩mk仔on99玩淫賤Game個樣完全兩回事。
 
我一路偷聽佢地既對話，大約知道左佢地之間既故事。
 
上次見面正常樣果個貓貓，去左阿風屋企意外同佢扑完野之後，阿風就沉船想認真同佢一齊。
 
但偏偏淫賤既貓貓無接受型仔阿風既追求，仲主動撩鬼王扑野！
 
鬼王同阿風係好朋友，扑完跟手Share左食評俾阿風，阿風知道左就即時心碎了。
 
貓貓同鬼王則成為左SP或者曖昧之間一個好模糊既關係。
 
而呢件事，傳下傳下，成個家族都知道左，阿風好傷心，都避開出現係有貓貓既場合，廢時面阻阻。。。
 
大氣既阿風無嬲到鬼王，因為佢覺得係貓貓自己既選擇，唔怪得任何人，就算唔係同鬼王，貪玩淫賤既佢都可以同其他人扑野，一世人只得鬼王一個好兄弟，又點可以嬲佢呢？。。。


 
嘩，呢D兄弟情，我真係好佩服。。。
 
兄弟VS女人。
 
如果發生係我身上，我仲可唔可以咁豁達去面對自己既好朋友？
 
一諗到林敏兒俾肥傑或者羅嘉樂食左，屌呀，我真係唔敢諗，實從此同佢地斷絕來往。。。
 
溫梓柔果D我真係唔Care啦，佢地同咩人，做過d咩，都唔關我事。
 
 
五點幾，我地成班一齊起身睇日出。
 
Aka依然拖住我，有少少尷尷尬尬咁！佢呢個反應都幾搞笑！


 
飲個早茶就結束呢個淫賤既兩日一夜長洲團。