一個書生既Player故事: 一一二

睇黎我可以放心等江柏琪自行解決，我諗班友俾我兇一兇，都唔敢再玩啲咩大花款。班友再敢蝦佢，我搵鬼王果咋金毛mk黎接佢放學呀！

係呢個欺善怕惡、弱肉強食既世界入面，你表現出黎個形象，比起你真實份人係點，更加重要。靠惡夠嫁啦。

我：【點呀，佢地仲有無蝦你？】
琪：【無啦】
我：【咁咪好囉】
琪：【不過我今日報咗仇】
我：【搞咩？】
琪：【我搵𠝹刀𠝹爛咗Zoe個袋，劃花佢啲Note，仲去Kfc買咗啲薯蓉搽落佢本手冊個封面度，搞到佢成個袋入面都係薯蓉】


我：【下？咁癲！屌你係咪傻嫁】

（呢條友都痴痴地線。。仲話Band 1學校喎。。睇下啲學生既質素。。中四咁大個人仲玩依味。。我心諗，搞咁大，冤冤相報何時了。雖則話林書生你都有份掟人個袋落街，好似無乜資格話人。）

我：【咁佢有咩反應？你仲可以咁同我sms既？】
琪：【我放學極速偷咗個袋，趁佢去廁所整既。而家緊係極速閃咗水啦！】
我：【屌！咁大件事都唔叫埋我一齊！正仆街】
我：【咁你而家係邊？】

（都係黎睇住你，我驚你有咩麻煩。）



琪：【就講就到。。我係M記撞到Zoe帶埋幾個女仔周圍刮我。。】
琪：【屌，俾佢地發現咗】
琪：【我而家哩咗入殘廁。。佢地係門口等緊我。。】
琪：【唉濕撚晒，屌唔撚驚。。】
琪：【好啦其實我好驚T_T】
琪：【你快啲黎幫拖T_T我就黎俾人五馬分屍】

屌。。



好Troll。。

我欣賞你有火，不過你好無腦呀。。

都話冤冤相報何時了嫁啦，搞咁大又要人幫你執手尾，但唔通我睇住你死咩。。

我即刻跑到去M記，見到大約有七條友圍係殘廁門口，兇神惡剎咁等住江柏琪出現。

M記既職員趕佢地反而俾人兇返，班人賴死唔走。
我都唔知點處理。

我一條友衝埋去都唔夠抽，解決唔到件事，只會愈嘈愈勁。

點樣先可以停止佢地繼續落去互整報復？



報警會上報，唔好搞啦太麻煩。

報串江柏琪都會奶野俾人罰埋一份。

搞唔撚掂。

唔知點算好。