一個書生既Player故事: 一一九

各樣買賣既事項都處理好，爸媽主要既行李都速遞晒去意大利。
 
我仍然住係舊屋。
 
講真，要我一個人住咁大間屋，我都怕鬼嫁，半夜都唔知去唔去廁所好啦。
 
「爸，媽，Safe flight呀！」我係機場送爸媽機。
 
「仔！生生性性啦！過幾個月我放假飛黎搵你呀，或者你飛過黎探我地啦。」呀媽話。
 


「得啦！拜拜。」
 
由知道爸媽要飛，到真係要飛，都係短短三個月時間，快得令人措手不及。
 
我一直都無乜實感，直至父母真係離開左我，我望送住佢地踏入離港區，返到屋企變得無空無一人、靜悄悄的一片死寂，我先至有佢地真係離開咗我既感覺。
 
老母都幾狠心嫁喎，真係留底一個中四既仔係屋企，我可唔可以告佢疏忽照顧兒童？
 
 
返到屋企再無屋企人係度等我，迎接我。


 
無人再哦我夜返屋企，著唔夠衫。
 
無人煮飯俾我食，我點算好，真係日日食外賣？
 
而家先識得考慮呢個問題，喊出黎。
 
唔好同我講有間無人既屋，可以解決土地問題日日啪啪啪呀。
 
我而家真係無心情食女呀！（再講，自從識咗江柏琪之後，我都無食過女，淨係打丁咋，自動聖人Mode戒丁？）


 
一個人真係好撚空虛寂寞凍呀，對住四面牆都唔知做乜好。