一個書生既Player故事: 一二七

琪：【今晚想食咩呀？】
琪：【我煮芝士肉醬千層面，加個煎三文魚扒OK？】
我：【Good】
 
我地每月夾咗晚飯錢，我就Share大份，江柏琪就細份。
 
我都擔心過佢無錢使既問題。
 
江柏琪間中就會返去搵佢媽媽，佢媽媽都覺得佢搬出去係好事，所以都會俾零用佢洗。
 


江柏琪所言非虛，佢唔止識煮野，仲煮得好叻，中西菜各樣都識D，果然係屋企多年訓練有素係唔同D，同我呢D十指不沾陽春水既少爺仔好唔同。
 
「江柏琪，我睇到你第時條Career path。」
 
「乜9？」
 
「我覺得你去做鐘點幾有潛質。煮野食又識，做家務快手又乾淨。」
 
「收皮啦你。」
 


「係惡同爛口咗少少，不過D姐姐都係咁嫁啦。」
 
「信唔信我倒晒成枝辣椒酒落去D意粉度呀拿？」佢把口仲硬過我條丁。
 
「你咪倒囉，你自己都有份食。」


 
江柏琪住咗更大更靚既屋，又有自由唔洗俾人鬧當然極速習慣啦。
 


而我由一個人住，變成有江柏琪陪伴（同埋幫輕家務，有時佢都好懶嫁要我幫返佢），

好快我地就極速適應同居既生活，我地把口成日鬥咀，但事實大家性格都好遷就同包容對方，相處愉快。
 
 
 
係同級同學眼中，我同江柏琪總係出雙入對，返學約埋一齊返，放學又一齊走，即使我地無承認過，都同拍拖無分別。
 
不過我知道我地同拍拖既關係差千萬丈遠。
 
總係好想踏出第一步，但伸出去既手到一半又返轉頭，因為時候未到，其實會唔會真係到呢?
 
一開始我對江柏琪係戀愛果種叮一聲，好熱情既感覺。
 
到慢慢發展到可以一齊過聖誕節、


 
佢變成一個關係同我親密到可以住係同一屋簷下，都仲日日想見面既人。
 
除咗瞞住佢我有過阿婷同丁丁兩個SP之外，佢係我咩生活大小事都可以分享既對象。
 
呢種關係好奇怪，不曾係我人生中出現過有咁既人，江柏琪又似我既女朋友，又係我一個重要既朋友，亦都係家人。
 
有時我都分唔清我對佢係咪已經變咗感情，定係一種昇華咗更高尚難求既關係。
 
到底係悶咗，定係愛情既本質最終都會變感情呢？
 
但我唯一可以肯定既野係，我依然想每日都可以同佢一齊，我想繼續對佢好，我唔會想失去佢。