一個書生既Player故事: 一四六

今日Ice breaking完就CityU Hunt，係City入面唔同地方做Task。

「行中門」、「同石獅影相」、「去許願池同金魚許願」。。。

咁就等我地可以認識下學校既地理位置。組爸媽都教咗我地點樣去唔同既班房。

全日玩Group game痴埋一齊，我都無同邊個有特別交流。


玩咗兩粒鐘身跑到身上身汗，就一齊去食Tea。



「靜香，你格離有無人呀？」我主動走去靜宜同Parsons既附近，想認識下佢地。

「咩靜香呀！人地叫靜宜呀！」Cammi聽到之後大叫。

「gg口快快講錯咗。靜香你唔會嬲嫁可？」我真係講錯咗。
 
「唔會。但靜香好聽過靜宜，以後叫你靜香啦。」佢好無奈咁。
 
「你好Funny阿書生。」Parsons搭嗲笑我。



「識貨阿巴打。」

「你地諗住Reg咩GE？」靜香開咗個學術台。

「出黎玩就唔好咁學術啦。。」Cammi話。

Eric組爸就話：「咁人地入黎咩都唔知好難唔學術既。你地幾時Reg GE阿？」

「今日呀。我今晚返屋企Reg。」Parsons話。



「係？幾點？不如你Login Aims入去睇下。」Eric組爸話。

講完Parsons就係電話登入俾佢睇，Eric：「喂！你地仲有半個鐘就要Reg！」

「咁樣計？夜晚Reg唔到？」我問。

「緊係啦！D靚GE頭半分鐘已經俾人Reg晒啦！」

「咁Reg咩好呀？」靜香問。

「快D去電腦室霸電腦！我幫你地睇Time table！學校電話上網超快，Reg科八成機會成功！」 Eric講完就快快手趕我地去Reg科。


間間電腦房都爆人，我地搵咗幾間房先有位，仲要分開晒，見到咁多人都係開住Aims等Reg科真係好大陣象。



Eric幫我地睇咗Time table，再推薦咗幾科俾我地Reg。

「呢幾科正常Workload好Grade但唔算最搶手，應該易Reg D。而家Log in咗，係Reg科呢頁Hold住先，陣間開咗天文台時鐘，59秒就禁F5，再Ctrl+V落Preference度，再用最快時間Submit！」

咁我地咩都唔識，就照住佢個Number Reg。

59分，全場既鍵盤同滑鼠都一齊發出好清脆既聲音。

「呀頂！！！Reg唔到阿！！！」「媽呀我得咗啦！！」「幫你Hold咗，夜晚Drop俾我！！」

唔？佢話我Successfully added咗呢科！

輕鬆成功咗！



我望一望格離既靜香同Parsons：「點呀你地？」

「得咗。」「OK！」

「Yes有人一齊上堂唔洗做毒撚，我愛O Camp！」

我好似預見到呢一年應該都會同佢地玩。哈哈。




「大家好攰呀？我地練多兩次就放你地走啦。」組爸阿東話。

食完野Reg完科，就俾佢地帶咗去地獄式苦練Dem Beat同埋Camp Fire，跳咗幾粒鐘。



「下。。」

「一定要好好練阿。。好重要嫁。。到時你就知幾好玩啦。。」Cammi媽媽話。

「係既老母。」我話。


呼。。咁就到夜晚。。終於放人。。攰死人啦。。

「拜拜～我地過幾日再見啦！」

我地大班人放學一齊搭車，係地鐵入面一齊練Beat，大家一齊細細聲奶奶奶奶奶奶黃包，雖然唔知Dem黎做乜，不過好傻好天真好快樂呀。