一個書生既Player故事: 一五六

我同Parsons、靜宜上咗去Cammi個Hall參觀。

Cammi住既舊Hall唔算新淨，但佢話勝在D人好玩唔摺。

「Hi」Cammi同走廊一個高大仔仔打招呼。

「組仔女呀？」高大仔仔問。

「係呀。」



「辛苦晒。」佢同我地講：「你組媽咁低能！」

「收皮啦你。」

佢同Roomate拍床訓。
 
兩間房Share一個廁所，住Hall同鄰居既關係就係如此親密。


「我間房無乜野玩，打牌啦不如？」於是我地就開枱係度打牌。



神秘既宿舍生活，令我感到期待，我都想係Hall有一班好朋友一齊玩、一齊Hea。

我影底Hall既相Send俾江柏琪。

佢轉頭又影咗相俾我睇，話佢同班大O組員去咗組爸阿Tim個Hall。

唔知點解我自己上人Hall玩，覺得無問題，但江柏琪做同一樣野，我就覺得好呷醋有問題。

人都係無法將心比心既仆街。



我男仔可以做既野，你女仔係唔可以做。


我地好家庭樂Feel咁打牌，都無乜特別野好講。

呀，順帶一提，Cammi個Roomate叫Candice上過黎拎野，都幾靚女，同Cammi係差唔多既ABC Type。
 
當佢係度拎Note，舉起隻手去櫃度攞野，胸部既曲線瞬間表露無遺。

跟住就夠鐘落去食個Lunch，再上堂，就完結咗我第一日既返學日子。

乜野都無做過既日子，Hea到我覺得神奇，返學仲係好似放緊暑假咁。