一個書生既Player故事: 一六零

因為要留係屋企做看門狗，所以我當初係無申請到Hall。

雖然無Hall住，但我成日都上去Cammi個Hall度玩，係Common煮野食好、打機好都熟晒駕步，去到佢果層好多人都認得林書生呢個人既地步。

唔洗好似江柏琪咁住Hall，我都可以有Hall life。

今晚佢地層搞酒局，早已叫我帶定衫褲過黎屈蛇狂歡一番，亦係我第一次同佢地Hall既人飲酒。

Parsons、Eric、Nancy、Cammi個Roomate Candice都係度。



靜宜、阿東比較文靜乖巧既類型，就唔加入係我地既酒局範圍了。

凌晨一點，我地係Cammi房食完宵夜，就響Common開壇作法。

「喂～Samson，咁遲嫁你。」Cammi同佢層之前見好高大串疾疾既男仔講，原來佢叫Samson。每次Cammi見到佢都好開心，兩個係度疾黎疾去，有D好朋友既感覺，老毛病又發作，我又會諗，唔知道佢地係咪SP呢？不過要講SP，隨時都係Play boy Eric先啦。

「好早啦，啱啱起身，而家黎飲早茶。」

「飲早茶，Oh my god。」Nancy話。



Samson關上房燈，開咗個Bar枱燈，播住Like a G6，替我地斟好晒酒：「黎啦，我地用Shot黎開始。」

在場既人都拎咗杯Whisky 乾晒。

Nancy唔知規距，係飲得最慢既人，所以我地立即罰佢飲多Shot，組女都無情講。

好彩我一早見識過飲酒既情境，無中伏。


其他人陸續黎到，都有唔少其他層數陌生既臉孔，來不及認識佢既名字，我地以酒相敬，識英雄重英雄。



我地用大話骰黎熱身。

「十四個三。」

「十五個三。」

「十八個三。」

「開你。」

「咁都開，我幫盡你啦。」

「十七粒。」



「飲啦你！」

到開始微有醉意，Eric提議我地轉Game，玩擲骰加撞機，咁可以飲得多啲又快啲。

因為唔洗用腦，Set晒一至六有咩罰則或者玩法，只要擲骰基本上你點都要飲。

「一！自己飲。」我找咗數先。

「二，你飲啦仆街！」頂，又係我飲。

「一！」「二！」「三！」「三！」

「屌，你做乜跟我！」

「飲Shot啦你！」