一個書生既Player故事: 一六二

兩個禮拜之後，Cammi又召集我地上去酒局飲酒。
 
仲話今次係Candice吹雞話飲，話佢覺得上次酒局好好玩，想黎多次。
 
我係度諗，係咪性暗示呢？係咪為咗同我延續上次未做晒既野呢？
 
我已經收咗山唔食女好耐啦，唔習慣做呢D野。
 
口裡說不，身體卻很誠實。
 


 
我答應咗Cammi上去飲酒。
 
今晚將會係我第二次屈蛇既日子。
 
我決定採取不主動也不拒絕既策略，如果Candice再出招我就同佢咩啦。。。
 
咁都唔算對江柏琪唔住吧？性還性，愛還愛。
 
我都唔係同佢拍緊拖，再無需要守行為吧，更何況，都唔係我主動。


 
我承認我係度自欺欺人。

都唔知自己之前堅持黎做乜，結果得個吉。



上到Hall，今次唔係層既大型酒局，只係人少少得Candice、Cammi、Samson同埋佢對面房果對情侶。

「琴日Marvin同我講佢去咗尖沙咀某酒吧度做Bartender，我地得閒可以落去搵佢喎！有Shot送！」Cammi講。



「真係嫁？返幾日？」我問。

「三日囉！做咩呀？你有興趣？」

「無呀，問下咋。聽落好似幾好玩。」

原來係上去吹水食宵夜既休閒酒局。
 
呢個配搭非常之。。令人有幻想。。
 
都唔知Cammi係咪有心裝我。

但今日似乎係一個沉悶既日子，大家都無乜特別野講。



好似係唔洗屈蛇可以早D拍走返屋企既情形。


 「我地返房先。」對面房既情侶好快已經話離開。肯定啪啪啪。

「喂，去Samson房打Wii好無？」Cammi提議。

「我唔想打阿，我想睇戲。你地去啦。」Candice懶洋洋咁拎住部Mac機。

「哦，咁我地去啦。」Cammi話。

我諗住跟佢地去打機。

Candice：「書生你留底陪我睇戲啦。唔好阻住人地啦。」



我望一望Cammi同Samson兩個一臉準備去偷情既駕步，阻人扑野好似會俾人燒春袋。

「哦，好啦。你地兩個玩得開心D。」我望住佢兩個奸笑。