一個書生既Player故事: 一七四

我一路行，一路攬住丁丁，問佢：「轉場？」

「轉去邊呀？」再轉酒吧無謂，要飲酒都上去飲啦一早俾晒錢，我又唔熟路。

「我新屋？」快快手上去開餐好過。

「新屋？你搬屋咩？」飲醉酒口快快講咗添。

「係阿，過年前會搬走啦。」行到去的士站截的士。



咁煩嫁，架架的士都話唔過海拒載！一係就加價！

最後我地行遠少少，出馬路截街的先成功上到車。

我發誓以後落LKF都會叫Uber。


「咁我地要同你搞Farewell Party啦！以後唔可以咁方便搵你！」丁丁話。

因為同江柏琪同居，同丁丁都好少見。



「點解你仲落黎玩既？你個工人女朋友呢？」丁丁問。

「俾人請咗食三年檸檬。佢一上O Camp就俾獸父媾咗。」

「哦。。唔緊要啦。。你咪可以係大學慢慢玩囉。」

「中學同你兩個仲玩唔夠咩。」我話。

「哈哈，好得意呀，你又變返小學果個專一既林書生啦！」



  
「前面正門落呀唔該。」

「你。。搬咗黎呢度？」丁丁難以致信咁話。

「係呀。」

「嘩，乜原來你屋企咁Rich。」

「拿，我屋企Rich唔代表我Rich。」

「你係我識既第一個住半山豪宅既朋友。」

「我都係第一個識既人入面住半山，哈哈。」好啦派夠膠。