一個書生既Player故事: 一七八

琴晚唔係飲好多酒，所以我無Hangover。

返到屋企都已經下午，訓下又Hea下又一日。

仲有幾個鐘就係平安夜，我都係打定輸數，毒撚一個人過。

開住個電視，自己一個悶到要睇TVB唔知做乜。





「叮噹。」突然間個門鈴鐘聲響起。

唔通有人掛號送速遞？

應該唔會啦，我都無上網買過野。

我朦查查打開門，竟然見到江柏琪西晒面咁企咗係我屋企門口。

黑人問號？搞乜野？



我立刻拉開鐵閘，俾江柏琪入黎。



「搞咩，無啦啦上黎？」

有無人可以解釋下發生咩事？

江柏琪粒聲唔出走咗去梳化度坐底。



我走埋去佢面前：「喂。」

「出句聲啦。」見佢咁既樣，我大概都估到佢同組爸Tim奶野。

語畢未落，江柏琪已經嚎啕大哭，喊到勁大聲。

「嗚。。。嗚。。。」江柏琪攬住企起度既我。

「喂。。。你。。。」我摸摸佢個頭：「你搞咩呀。。。」

「嗚。。嗚。。」

江柏琪掛住喊，喊到都講唔到野。

識咗江柏琪咁耐，無論俾Zoe恰成咁，定係俾老豆打，我都未見過佢喊成咁。



雖然我好想佢返黎，但見到佢咁唔開心，我心都酸埋。

「陰功囉。。喊到咁。。。」

「乖。冷靜下唔好喊啦。」

我一路俾江柏琪攬住，一路好辛苦盡量唔好阻到佢，伸長隻手攞紙巾俾佢抹鼻涕。

我諗佢Non-stop咁喊咗有十分鐘先至停咗無喊。

我坐底響江柏琪格離：「點呀？冷靜未？」

江柏琪搖頭。



「你組爸同你講分手？」我就唔講咁多廢話，直接問佢。

江柏琪點頭。

Oh shit阿Tim正仆街，先果個零月就飛咗江柏琪！咁正你都飛！

我再問多條重點題目：「你同佢。。係咪咩咗？跟住你組爸就話分手？」

江柏琪點頭。



Oh shit Fuck 我Dllm，中＿即飛。

我都未食到江柏琪個處竟然俾你條仆街拎咗！



我聽完都好想喊阿！

我食咗過唔鐘意既女仔既處，偏偏自己鐘意果個女仔就無得食！

「點解喎！男人都係仆街！」你啱啱又攬住我呢個男人喎。

「抵你死啦咁抵蠢！條友擺到明呃蝦條啦！」

「呃蝦條會唔會咁高調Po埋相要公開。。」

「你識佢之前，可能人地Po過十幾條女Del咗相你唔知姐，Po張相唔代表D咩嫁喎。」

「咁你又知佢係同我咩完就講分手？」



「咩完一次就分手？」我再問得仔細D。

「唔係。。都咩過幾次。。」

「肯定你技術太差，組爸唔想慢慢晒時間教你。」

「我唔信阿。」

「佢用咩理由黎同你講分手？」

「佢話覺得我地唔夾，話我諗野好細路，仲有果方面都好細路咩都唔識。」

「一撚定係有新女啦！聽日平安夜後日又聖誕節，要約新女阿嘛。如果點會係大時大節同你講分手，想自己一個人過咁傻咩？」

「。。。」

「點解你好似咩都知，你明明就唔識佢。佢話以為為咗我可以定到落黎，但發現唔得，佢高估咗自己，鐘意咗第二個更加性感既女仔。佢話自己係一個仆街，俾唔到幸福我，對我唔住。」

「算啦，講到尾都係一個原因，就係佢根本就唔鐘意你，佢只係鐘意你個樣。」

咁講好似太率直，太傷人，但我寧願江柏琪早D認清呢個殘酷既現實。

唔係個個都好似我對你咁好嫁。