一個書生既Player故事: 一八九

好像扯得太遠。

果個淫賤女人同男人喺梳化熱吻纏綿咗一陣，就急急腳埋單走人，似係去附近既時鐘出火。

然後有年輕既一男一女客人入咗黎。

我帶佢地去坐底，問佢地想飲咩。

「你。。你個樣好熟口面，我地係咪見過？」果個大眾臉既男仔同我講。



「係咩？」我唔太記得。

「講落又有啲面善。。你係咪City嫁？」個樣姣姣地，著住「城大天文」既女仔問我。

「係呀。」我諗咗一陣：「你地係咪去過Joint u party？」

「係阿係阿！Levels門口打過招呼！我記得啦你係水會啲人！」

「係呀。水會將苦與樂連結～」我搞gag係度唱歌。



「自介多次先。我叫Kimmy呀，你叫咩名？」

「我係Ken，都係天文。」

「我叫書生。」我話：「得閒多啲黎玩。」

佢兩個叫咗 1 Tower嘉士伯，係度傾心事飲酒。

個Ken樣子普通，感覺幾咸濕，成日借啲意抽Kimmy女，又摸下手仔，面仔咁。



好心就唔好著住有校名既Tee做埋呢啲野啦，影響校譽。



我見人少無乜客，就叫Mavis教我沖Shooter。

佢教我整咗個Rainbow shooter。

平時睇片見人整得好有型，原來好簡單。

只要順序將Grenadine、碎冰、菠蘿汁、Vodka、Blue curaçao加落去Shaker入面再慢慢倒出黎。

個Shaker超凍！凍到好似用手直接揸住D冰咁。

我開始佩服Bartender既驚人耐力。



我整到柒柒地，有d shot杯入面既量極唔均勻。

咁廢時拎出去俾客人。我就拎咗俾Ken同Kimmy做人情。


「我地無嗌呢個喎。」Kimmy話。

「私人醒你既。」我細細聲講，對住佢地單眼。

「多謝。我會叫多d frd黎幫襯。哈哈。」Ken話。

「不如你留底個ig？」Kimmy話。

就係咁，我同佢地就交換咗Contact啦。




我望住佢地既Ig，原來係Dormate黎，入面就睇唔到佢地曖昧或者拍拖既證據。

好奇心好重既林書生阿。

係酒吧打工真係有趣。