張翠珊見到我同Ken同Kimmy影相。
 
「乜你識咁多人既?」我幫張翠珊換Nuts果陣,佢問我。
 
佢今次係二次落黎。都係著住運動褲拖鞋,不過今日無帶Notebook落黎,反而帶咗部iPad黎打機,媽呀好毒。
 
「同一間學校嫁。」
 
「做乜次次都自己一個落黎咁毒呀?」
 


「懶得約。想落樓下Hea下咋。」
 
「唱唔唱K?我幫你攞支咪過黎啦。」
 
「唔啦,我唱得好難聽。」
 
「哈哈,大把客都唱得唔好聽啦。我幫你點歌啦。」
 
「宇宙GEM啱唔啱?幫你點首A.I.N.Y。」
 


「你唱俾我睇下,唱到俾一百蚊你。」
 
「我唔唱得嫁,會俾老細小。你唱啦。」雖然老細一次都無小過我。
 
「開始啦。」
 
咁張翠珊真係開始唱,仲唱得。。。
 
好難聽。。。
 


每一句都走晒音。。。
 
全場由好嘈,到好靜,全場都係度欣賞張翠珊既美妙歌聲。。。
 
「回憶 對你最後的回憶
(回憶 最後的回憶)
是你 慢慢走遠的身影
(是你走遠的身影)
然後你 離開了沒有痕跡
(然後你 離開)
然後我 崩潰了放縱哭泣
(然後我 哭泣)
恨你恨你 每當我想起曾經
(恨你 每當我想起你 每當我想起曾經)
曾經曾經曾經曾經」


 
「O-ya-i-aaaaaaaaaaa-aaaaaaaaa」
 
張翠珊用盡吃奶既力嗌出黎,成間店都好似爆咪咁。
 
全場忍唔住笑咗出聲。
 
總有人唔怕醜,衝出黎柒。
 
(謎之聲:又係你叫佢唱既!)
 
咁都唔洗唱成咁嫁。
 
「一句愛你愛你愛你愛你能否再也不分離」
 


Disaster.
 
我有D後悔叫張翠珊唱歌。
 
 
 
老細揮手叫我:「喂書生,你幫幫手插播唱首歌。唔好俾佢唱啦。」
 
「正有此意。」攞正牌唱歌。
 
其實我唱歌都唔差,起碼唔會走音先。
 
我點咗孫耀威既愛的故事上集。
 
又係老餅歌。


 
 
「老細點名叫我唱,幫我拍片啦。」我叫張翠珊拍片。
 
「星的光點點灑於午夜
人人開開心心說說故事
偏偏今宵所想講不太易
遲疑地望你想說又復遲疑秋風將湧起的某夜
遺留她的窗邊有個故事
孤單單的小伙子不顧寂寞
徘徊樹下直至天際露月兒」
 
「知不知每晚想你十次百次
每晚也去等 因我極心癡
可不可合力延續這故事


延續這片愛意一生倆相依」
 
啱啦啱啦,起碼唱成咁樣先似樣嫁嘛。
 
我好滿意咁樣對住鏡頭舉起個V字。
 
我又有得過下口癮唱K,老細又滿意我將個場變返正常,一舉兩得。
 
 
張翠珊遞部電話俾我。
 
「雖然我知高大靚仔又著住恤衫唱歌好聽既我好吸引,但你都唔洗咁主動問我攞電話嫁。」
 
「Send返條片俾你咋。」
 
我輸入咗我既手提號碼俾佢。
 
我地仲自拍咗黎記住佢唱得咁難聽既一晚。
 
呢個妹妹仔幾盞鬼。