一個書生既Player故事: 二零一

第一年既成績唔錯，負負碌碌都有3.5，屬於Top 20%既學生，講緊我出既力同以前考AL真係無得比，就算Sem尾功課再點Chur通宵，讀大學既生活點都係輕鬆過中學好多。
 
等Sem B既成績出咗，我就去報Exchange同埋考IELTS。
 
我係Last minute報Exchange，City既Exchange基本上全球邊度都有Quota。
 
以我地學校黎講，歐洲同澳洲係比較熱門。
 
沒有考慮太多，我抱住試下，得就去，唔得都無咩所謂既心態去報。
 


反正得果三年大學生涯，想試既野，而家唔試，仲等幾時呀？
 
我特別羨慕細我一年既師弟妹，佢地讀少一年中學，又可以讀多年大學。
 
我果屆好特別，撞正第一屆DSE，佢地同我同期入大學，但佢地可以讀四年。
 
時也命也，除非我Defer嫁姐，否則都係三年畢業。
 
由第一年入學已經開始倒數畢業，我會唔會太多愁善感？